លោកស្រី មិថុនា ភូថង លើកទឹកចិត្តសិស្ស និងចែកប័ណ្ណសរសើរដល់សិស្សរៀនពូកែជាប់ចំណាត់ថ្នាក់ល្អ
លោកស្រី មិថុនា ភូថង លើកទឹកចិត្តសិស្ស និងចែកប័ណ្ណសរសើរដល់សិស្សរៀនពូកែជាប់ចំណាត់ថ្នាក់ល្អ
លោកស្រី មិថុនា ភូថង លើកទឹកចិត្តសិស្ស និងចែកប័ណ្ណសរសើរដល់សិស្សរៀនពូកែជាប់ចំណាត់ថ្នាក់ល្អ
លោកស្រី មិថុនា ភូថង អភិបាលខេត្តកោះកុង នៅថ្ងៃទី២៤ ខែកុម្ភៈ ឆ្នាំ២០២១ បានអញ្ជើញចែកប័ណ្ណសរសើរដល់សិស្សរៀនពូកែជាប់ចំណាត់ថ្នាក់លេខ១ លេខ២ លេខ៣ ចំនួន៨២នាក់ នៃវិទ្យាល័យកោះកុង បានទទួលប័ណ្ណសសើរ វិទ្យាល័យចំណេះទូទៅ និងបច្ចេកទេស តេជោសែន កោះកុង។
ក្នុងឱកាសនោះដែរ លោកស្រីអភិបាលខេត្ត បានលើកឡើងថា ក្មួយៗពិតជាកូនល្អ មិត្តល្អ និងសិស្សល្អ ដែលបានខិតខំរៀនសូត្ររហូតដល់បានទទួលជោគជ័យ ដល់ពេលនេះ ពិតជាមោទភាពបំផុតសម្រាប់ឪពុក ម្តាយ និងក្រុមគ្រួសារ សូមក្មួយៗខិតខំបន្តទៀត ដើម្បីក្លាយជាកូនល្អ ពលរដ្ឋល្អ ជាមួយគ្នានេះក្មួយៗត្រូវចូលរួមគោរពនូវវិធានការ ដើម្បីចូលរួមទប់ស្កាត់ការរីករាលដាលជំងឺកូវីដ-១៩ ដែលកំពុងរីករាលដាល។
ជាមួយគ្នានេះផងដែរ លោកស្រីក៏សូមអរគុណដល់គណៈគ្រប់គ្រងសាលា និងលោកគ្រូ អ្នកគ្រូទាំងអស់ ដែលបានយកចិត្តទុកដាក់ក្នុងការគ្រប់គ្រង និងបង្រៀនសិស្សានុសិស្ស បានល្អប្រសើរ៕
