អ្នកវិភាគចៅចាក់ស្មុក៖ ជនក្បត់ជាតិ សម រង្ស៊ី នឹងបក្ខពួកកំពុងញុះញង់ និងប្រើប្រាស់ពលករនៅកូរ៉េខាងត្បូង និងនៅតាមប្រទេសនានាដើម្បីសម្រេចបុព្វហេតុអំណាចរបស់ខ្លួនតាមរយៈបដិវត្តន៍ពណ៌ដែលជាបទល្មើសឧបឃាតត្រូវផ្តន្ទាទោស
(ភ្នំពេញ)៖ នេះមិនមែនជាលើកទី១ ទេដែលទណ្ឌិតក្បត់ជាតិ ៣ជំនាន់ រត់ចោលគុកនិងបក្ខពួកមួយដំបរស្វាតែងតែឆក់ឱកាសនៃព្រឹត្តិការណ៍នៅតាមបណ្តាប្រទេសនានាក្នុងពិភពលោកដើម្បីបង្កើតឱកាសឱ្យខ្លួននិងបក្ខពួកបាន ប្រើប្រាស់សន្តានជាជនក្បត់ជាតិនិងក្បត់ប្រជាជនរបស់ខ្លួនដើម្បីបំផ្លាញសន្តិភាព ស្ថិរភាពនិងការអភិវឌ្ឍរបស់កម្ពុជាដែលរកពិបាកនេះ ដោយគ្មានស្តាយស្រណោះ និងព្យាយាមទាញប្រទេសកម្ពុជាចូលក្នុងភ្នក់ភ្លើងសង្គ្រាមសាជាថ្មីដូចឆ្នាំ១៩៧០ ដើម្បីសម្រេចមហិច្ឆតាដ៏ឆ្កួតលីលារបស់ខ្លួន។
