ដំណឹងល្អ! រថភ្លើងលើអាកាសគ្មានមនុស្សបើកទាំង៤ខ្សែនៅភ្នំពេញ នឹងចាប់ផ្តើមសាងសង់ឆាប់ៗ
ដំណឹងល្អ! រថភ្លើងលើអាកាសគ្មានមនុស្សបើកទាំង៤ខ្សែនៅភ្នំពេញ នឹងចាប់ផ្តើមសាងសង់ឆាប់ៗ
បច្ចុប្បន្នក្រសួងសាធារណការ និងដឹកជញ្ជូន រួមជាមួយទីភ្នាក់ងារសហប្រតិបត្តិការអន្តរជាតិជប៉ុន-កម្ពុជា ហៅកាត់ (JICA) កំពុងសិក្សាលើសាងសង់រថភ្លើងលើអាកាសគ្មានមនុស្សបើក (AGT) ចំនួន៤ខ្សែនៅរាជធានីភ្នំពេញ។ ការសិក្សាបឋមនេះគ្រោងនឹងបញ្ចប់នៅមុនឆ្នាំ២០១៨ និងចាប់ផ្ដើមសាងសង់ជាផ្លូវការនៅឆ្នាំ២០១៩ និងបញ្ចប់នៅមុនឆ្នាំ២០២៣ ដើម្បីត្រៀមធ្វើជាម្ចាស់ផ្ទះក្នុងព្រឹត្តិការណ៍ស៊ីហ្គេម ២០២៣ ក៏ដូចជារំដោះបញ្ហាកកស្ទះនៅរាជធានីភ្នំពេញ។ នេះបើតាមការបញ្ជាក់របស់ឯកឧត្ដម ស៊ុន ចាន់ថុល រដ្ឋមន្ត្រីក្រសួងសាធារណការ។
គម្រោងសាងសង់រថភ្លើងអាកាសតាមបែបបច្ចេកវិទ្យាជប៉ុននេះ មាន៤ខ្សែ សរុបប្រវែង១៨គីឡូម៉ែត្រ។ ក្នុងនោះមានដូចជា៖ មហាវិថីហ្សាលដឺហ្គោល មហាវិថីព្រះមុនីរ៉េត(ផ្លូវលេខ ២១៧) ផ្លូវវេងស្រេង ឆ្ពោះទៅព្រលានយន្តហោះ និង១ខ្សែទៀតបែកខ្នែងទៅផ្លូវជាតិលេខ៤ និងផ្លូវកប់ស្រូវ ឆ្ពោះទៅពហុកីឡដ្ឋានជាតិថ្មី (មរតកតេជោ) នៅព្រែកព្នៅ។
តាមគម្រោងធ្លាប់បានបញ្ជាក់កន្លងមក ការសាងសង់រថភ្លើងអាកាស (AGT) នេះនឹងត្រូវចំណាយថវិកាប្រមាណ៨០០លានដុល្លារសហរដ្ឋអាមេរិក៕
(រូបតំណាង)
