ក្រុមគ្រូពេទ្យនិយាយថា Salah អាចលេង World Cup 2018 បានអោយ អេហ្សុីប
ក្រុមគ្រូពេទ្យនិយាយថា Salah អាចលេង World Cup 2018 បានអោយ អេហ្សុីបក្រុមគ្រូពេទ្យនិយាយថា Salah អាចលេង World Cup 2018 បានអោយ អេហ្សុីប(ម៉ាឌ្រីដ)៖ ក្រុមគ្រូពេទ្យនៃប្រទេសអេហ្ស៊ីបបាននិយាយថា ខ្សែប្រយុទ្ធក្រុមហង្សក្រហម Mohamed Salah អាចនឹង ចូលលេងបានខ្លះក្នុងព្រឹត្តិការណ៍ FIFA World Cup 2018 នៅប្រទេសរុស្ស៊ី សម្រាប់ក្រុមបាល់ទាត់ជម្រើសជាតិអេហ្ស៊ីប។
តាមរយៈសារព័ត៌មាន BBC បានចេញផ្សាយនៅថ្ងៃព្រហស្បតិ៍ ទី៣១ ខែឧសភា ឆ្នាំ២០១៨ នេះថា កីឡាករខ្សែប្រយុទ្ធវ័យ ២៥ឆ្នាំ Salah បានរងរបួសស្មាខាងស្តាំធ្ងន់ធ្ងរក្នុងពេលប្រកួតចាញ់ក្រុម Real Madrid នៅវគ្គផ្តាច់ព្រ័ត្រនៃក្របខ័ណ្ឌ Champions League កាលពីរាត្រីថ្ងៃសៅរ៍ ដែលធ្វើឲ្យមានការព្រួយបារម្ភថា រូបគេអាចនឹងខកខានការប្រកួត World Cup។
ប៉ុន្តែគ្រូបង្វឹកក្រុមជម្រើសជាតិអេហ្ស៊ីបបានជួប Salah នៅមន្ទីរពេទ្យនៃប្រទេសអេស្ប៉ាញ ហើយសមាគមកីឡាបាល់ទាត់របស់ប្រទេសអេហ្ស៊ី ក៏បាននិយាយថា ការអវត្តមានរបស់ខ្សែប្រយុទ្ធរូបនេះ នឹងមិនលើសពី ៣សប្តាហ៍ទេ។ អេហ្ស៊ីប ជាក្រុមដែលស្ថិតក្នុងពូល A នៃព្រឹត្តិការណ៍ World Cup នឹងត្រូវប្រកួតបើកឆាកដោយប៉ះក្រុមខ្លាំងមកពីតំបន់អាមេរិកឡាទីន អ៊ុយរូហ្គាយ នៅថ្ងៃទី១៥ ខែមិថុនា មុនប៉ះម្ចាស់ផ្ទះរុស្ស៊ី និងអារ៉ាប៊ីសាអូឌីត។
ក្រុមគ្រូពេទ្យ និងប្រធានាធិបតីអេហ្ស៊ីបលោក Hany Abu Rida បានធ្វើដំណើរទៅជួប Salah ដោយផ្ទាល់នៅក្នុងប្រទេសអេស្ប៉ាញកាលពីថ្ងៃពុធម្សិលមិញនេះ ដោយក្នុងកិច្ចប្រជុំរបស់ Abu Rida និងវេជ្ជបណ្ឌិតរបស់ក្រុមជម្រើសជាតិអេហ្ស៊ីប ហើយថ្ងៃនេះសមាគមកីឡាបាល់ទាត់បានអះអាងថា Salah នឹងអវត្តមានមិនលើសពី ៣សប្តាហ៍នោះទេ៕
ប្រភព៖ khmertalking.com
