មកដឹងមូលហេតុដែល iOS ទាក់ទាញជាង Android
មកដឹងមូលហេតុដែល iOS ទាក់ទាញជាង Android
ដូចដឹងស្រាប់ប្រព័ន្ធ Android មានក្រុមហ៊ុនជាច្រើនបង្កើតស្មាតហ្វូន និងប្រើប្រាស់ ខណៈ iOS មានតែផលិតផលរបស់ Apple ដូចជា iPhone, iPad ទើបអាចប្រើបាន។
Android device ចេញច្រើនទាំងរូបរាង និងមុខងារ ខណៈ iPhone ចេញតែប៉ុន្មានម៉ូដែលប៉ុណ្ណោះរាល់ឆ្នាំ។
១) ទាំង iOS និង Android មានកម្មវិធីច្រើនជាង ១ លានក្នុង Store របស់ខ្លួន តែអ្នកអភិវឌ្ឍន៍កម្មវិធីមានទំនោរបង្កើតសម្រាប់ iPhone ជាមុន។ ឧទាហរណ៍ កម្មវិធី Instagram ចំណាយពេល ២ ឆ្នាំ ទើបមានលើ Android ក្រោយចេញសម្រាប់ iPhone។
២) Android device មាន Bloatware ច្រើន ដែលចំណាយ Space និងមេម៉ូរីរបស់ទូរសព្ទ ខណៈកម្រប្រទះលើ iPhone។ Bloatware ជាកម្មវិធីមិនសូវមានអត្ថប្រយោជន៍ ដំឡើងស្រាប់ភ្ជាប់ជាមួយម៉ូដែលទូរសព្ទ ជាធម្មតាមិនអាចលុបបាន។
៣) Android ក្រោយប្រើបានមួយរយៈអាចគាំង ខណៈ iPhone កម្រនឹងកើតមាន។ Android មាន RAM ៣ ទៅ ៤ GB នៅតែគាំង ខណៈ iPhone មានត្រឹម ១ GB តែមិនសូវអី។
៤) អ្នកប្រើ iPhone កម្រមានការផ្លាស់ប្ដូរ ខណៈ Android មានជម្រើសច្រើនលើទីផ្សារ អាចថាបង្កផលវិបាកក៏បាន ភាពងាយស្រួលក៏បានក្នុងការជ្រើសរើស។ តែអ្នកកាន់ប្រើ iPhone មានអារម្មណ៍ខ្លួនកំពុងប្រើរបស់ទំនើប ទាន់សម័យ ដែលអ្នកផ្សេងឃើញចង់ប្រើដែរ។
៥) iOS device មានតិចម៉ូដែល ខណៈ Android device មានច្រើនស្ទើររាប់ឈ្មោះមិនអស់។ iOS ធ្វើកំណែទម្រង់ប្រព័ន្ធលើ Device ខ្លួនមានអាយុ ៣ឆ្នាំ មុន និងថ្មីៗ ខណៈ Android ត្រូវបង្ខំរង់ចាំពឹងផ្អែកលើក្រុមហ៊ុនផលិតរុញច្រានកំណែទម្រង់ថ្មី៕
