ខ្មែរប៉ុស្ដិ៍ Close

ការបង្ហាញខ្លួន iPhone ស៊េរីថ្មីឆ្នាំ ២០១៨ នឹងធ្វើឲ្យអ្នកគាំទ្រភ្ញាក់ផ្អើល

ដោយ៖ សន ប្រាថ្នា ​​ | ថ្ងៃសុក្រ ទី៦ ខែកក្កដា ឆ្នាំ២០១៨ បច្ចេកវិទ្យា 887
ការបង្ហាញខ្លួន iPhone ស៊េរីថ្មីឆ្នាំ ២០១៨ នឹងធ្វើឲ្យអ្នកគាំទ្រភ្ញាក់ផ្អើលការបង្ហាញខ្លួន iPhone ស៊េរីថ្មីឆ្នាំ ២០១៨ នឹងធ្វើឲ្យអ្នកគាំទ្រភ្ញាក់ផ្អើល

អ្នក​វិភាគ​ Ming Chi Kuo បាន​ចេញ​របាយការណ៍​ថ្មី​ចុង​ក្រោយ​មួយ​ ដែល​​មាន​​និយាយ​ពី​​ចំណុច​​ផ្លាស់​ប្ដូរ​ថ្មីៗ​មួយ​ចំនួន​មាន​លើ​​ iPhone ដែល​ចេញ​នៅ​​ឆ្នាំ ២០១៨ នេះ។

ក្នុង​របាយការណ៍​បាន​បង្ហាញ​ក្ដី​រំពឹង​ថា​ iPhone ដែល​ប្រើ​ប្រាស់​អេក្រង់​ OLED នឹង​មាន​ជម្រើស​ពណ៌​ខ្មៅ, ពណ៌​ស និង ពណ៌​មាស​ដែល​ជា​ពណ៌​ថ្មី។ ចំណែក​ iPhone ប្រើ​ប្រាស់​អេក្រង់​ LCD វិញ​​ទំនង​ជា​នឹង​មាន​ជម្រើស​ពណ៌​​ប្រផេះ, ស, ខៀវ, ក្រហម​ និង ពណ៌​ទឹក​ក្រូច​ទៀត​ផង។

ជម្រើ​ពណ៌​ដ៏​ច្រើន​នៅ​លើ​ iPhone ប្រើ​អេក្រង់​ LCD នេះ​ ធ្វើ​ឲ្យ​គេ​នឹក​ភ្នក​​ទៅ​ដល់​សម័យកាល​​ iPhone 5c ដោយ​ iPhone 5c ជា​ស្មាតហ្វូន​មាន​តម្លៃ​ធូរ​ថ្លៃ​ និង​មាន​ជម្រើស​ពណ៌​ឆើតៗ​ជា​ច្រើន។ ​​​លោក​ Ming Chi Kuo ក៏​បាន​​បង្ហាញ​ការ​ជឿជាក់​ថា​​ចំនួន​លក់ iPhone ស៊េរី​ថ្មី​នឹង​មាន​ការ​កើន​ឡើង​លើស​ឆ្នាំ​មុន ដោយ​អាច​លក់​បាន​ដល់​ ៧០ លាន​គ្រឿង នៅ​ត្រីមាស​ទី​ ៤ ឆ្នាំ ២០១៨៕

អត្ថបទទាក់ទង