អភិបាលខេត្តកោះកុង ផ្តល់អំណោយមនុស្សធម៌ដល់ប្រជានេសាទចំនួន ២ឃុំ ក្នុងស្រុកបូទុមសាគរ ដែលកំពុងជួបបញ្ហាជីវភាព
អភិបាលខេត្តកោះកុង ផ្តល់អំណោយមនុស្សធម៌ដល់ប្រជានេសាទចំនួន ២ឃុំ ក្នុងស្រុកបូទុមសាគរ ដែលកំពុងជួបបញ្ហាជីវភាព
លោកស្រី មិថុនា ភូថង អភិបាលនៃគណៈអភិបាលខេត្តកោះកុង បានអញ្ជើញជួបសំណេះសំណាលសួរសុខទុក្ខ និងផ្តល់អំណោយដល់ប្រជានេសាទចំនួន ២ឃុំ គឺឃុំកណ្តោល និងឃុំអណ្តូងទឹក ស្រុកបូទុមសាគរ ចំនួន ៣២៧គ្រួសារ ដែលកំពុងជួបបញ្ហាជីវភាព ថ្ងៃទី១៥ ខែសីហា ឆ្នាំ២០២១។
នាឱកាសនោះលោកស្រីអភិបាលខេត្ត បានលើកឡើងថា ដោយសារ ប្រជាពលរដ្ឋមានជីវភាពខ្វះខាតមិនបានប្រកបរបរចិញ្ចឹមជីវិត ដោយសារជាប់ចត្តាឡីស័ក ជាប់ការបិទខ្ទប់ផងថ្ងៃបានពាំនាំជាអំណោយរួមមានគ្រឿងឧបភោគបរិភោគ ចែកជូនទាំង ៣២៧គ្រួសារ ជាការចូលរួមចំណែកកាត់បន្ថយការខ្វះខាត ជាទឹកចិត្តចែករំលែកគ្នាក្នុងគ្រាលំបាក ទោះក្នុងស្ថានភាពលំបាកបងប្អូនទាំងអស់ត្រូរក្សាអនាម័យសុខភាពឱ្យបានល្អបហរសើរបន្ថែមទៀត ដោយសារជំងឺកូវីដ-១៩ កំពុងរីករាលដាលក្នុងសហគមន៍។
លោកស្រី មិថុនា ភូថង បានធ្វើការណែនាំឱ្យប្រជាពរដ្ឋ យើងទាំងអស់ ត្រូវយកចិត្តទុកដាក់ខ្ពស់លើគោលការណ៍ ៣កុំ ៣ការពារ និង ២ចូលរួម ដើម្បីមូលដ្ឋានមានជៀសវាងផុតពីជំងឺ និងចូលរួមអភិវឌ្ឍន៍មូលដ្ឋាន ជាមួយអាជ្ញាធរ និងរាជរដ្ឋាភិបាល ដើម្បីសហគមន៍មានជីវភាពធូរធារ៕
