ខ្មែរប៉ុស្ដិ៍ Close

អភិបាលរងខេត្តកោះកុង និងមន្រ្តីជំនាញពាក់ពន្ធ័ ចុះពិនិត្យមើលទីតាំងសម្រាប់ធ្វើឈាបនដ្ឋានស្លាប់ដោយសារជំងឺកូវីដ-១៩

ដោយ៖ លី វិទ្យា ​​ | ថ្ងៃព្រហស្បតិ៍ ទី១ ខែកក្កដា ឆ្នាំ២០២១ ព័ត៌មានទូទៅ 1683
អភិបាលរងខេត្តកោះកុង និងមន្រ្តីជំនាញពាក់ពន្ធ័ ចុះពិនិត្យមើលទីតាំងសម្រាប់ធ្វើឈាបនដ្ឋានស្លាប់ដោយសារជំងឺកូវីដ-១៩អភិបាលរងខេត្តកោះកុង និងមន្រ្តីជំនាញពាក់ពន្ធ័ ចុះពិនិត្យមើលទីតាំងសម្រាប់ធ្វើឈាបនដ្ឋានស្លាប់ដោយសារជំងឺកូវីដ-១៩

នៅថ្ងៃទី៣០ ខែមិថុនា ឆ្នាំ២០២១ លោក ឃឹម ចន័្ទឌី អភិបាលរងខេត្តកោះកុង និងជាប្រធានក្រុមការងាររៀបចំចាត់ចែងឈាបនដ្ឋានស្លាប់ដោយសារជំងឺកូវីដ-១៩ និងលោកអនុប្រធានក្រុមការងារ អ៊ូច ទូច លោក ប្រាក់ វិចិត្រ និងមន្រ្តីជំនាញពាក់ពន្ធ័មួយចំនួនបានចុះពិនិត្យមើលទីតាំងឈូសឆាយដីរដ្ឋសម្រាប់ធ្វើផ្លូវ និងឈាបនដ្ឋានទៅតាមគម្រោងរបស់រដ្ឋបាលខេត្ត មានដូចខាងក្រោម៖

១- ឈូសឆាយដីធ្វើផ្លូវចេញចូលដែលមានទទឹង១០ម៉ែត្រ គុណ បណ្តោយ១០០ម៉ែត្រ។
២-ឈូសឆាយដី និងចាក់អាចម៍ដីបំពេញបរិវេណដីសម្រាប់សាងសង់ឈាបនដ្ឋានមាន ទំហំ៥០ម៉ែត្រ គុណ ៥០ម៉ែត្រ។

សូមជម្រាបផងដែរថា ការឈូសឆាយដីរបស់រដ្ឋសម្រាប់សាងសង់ឈាបនដ្ឋាននេះមានទីតាំងត្រង់ចំនុចគីឡូម៉ែត្រ ១៣៧ ស្ថិតនៅក្នុងភូមិទួលគគីរលើ ឃុំទួលគគីរ ស្រុកមណ្ឌលសីមា ខេត្តកោះកុង។

លោក ឃឹម ចន័្ទឌី បានណែនាំ ដល់សមាជិកក្រុមការងារ និងក្រុមអ្នកម៉ៅការឈូសឆាយដីទាំងអស់ ធ្វើការសហការគ្នាទៅវិញទៅមក និងពន្លឿនក្នុងការឈូសឆាយ ការចាក់អាចម៍ដីបំពេញដើម្បីឈានដល់ដំណាក់កាលនៃការសាងសង់ឲ្យបានឆាប់៕

អត្ថបទទាក់ទង