ក្រសួងសុខាភិបាល ប្រកាសរកឃើញអ្នកកើតជំងឺកូវីដ-១៩ ម្នាក់ធ្លាប់បានចូលផ្សារម៉ាក្រូ
នាយកដ្ឋានប្រយុទ្ធនឹងជំងឺឆ្លង (CDC) នៃក្រសួងសុខាភិបាល បានប្រកាសឲ្យដឹងនៅមុននេះបន្តិចថា មានបុគ្គលវិជ្ជមានកូវីដ-១៩ ម្នាក់បានចូលផ្សារម៉ាក្រូ វេលាម៉ោង៥:៤១នាទីដល់ម៉ោង៦:៤៨នាទីល្ងាច ថ្ងៃទី២០ ខែកុម្ភ: ២០២១កន្លងទៅ។
នាយកដ្ឋាន បានអំពាវនាវដល់បងប្អូនដែលមានរោគសញ្ញា ដូចជាគ្រុនក្តៅ ក្អក កណ្តាស់ ឈឺបំពង់ក ឬពិបាកដកដង្ហើម និងធ្លាប់ចេញចូលទៅផ្សារម៉ាក្រូនៅថ្ងៃទី២០ ខែកុម្ភ: ពេលវេលាខាងលើ សូមអញ្ជើញទៅធ្វើតេស្តនៅទីតាំងដែលបានកំណត់ដោយអាជ្ញាធរសុខាភិបាលរាជនី-ខេត្ត ដែលមានស្រាប់ ។
ចំពោះបុគ្គលដែលមិនមានរោគសញ្ញាសូមតាមដានសុខភាពរបស់ខ្លួនចំនួន១៤ថ្ងៃ រាប់ចាប់ពីថ្ងៃទី២០ កុម្ភ: ២០២១ តទៅ ។
សម្រាប់ព័ត៌មានបន្ថែមសូមទាក់ទងលេខ ១១៥៕