ជនជាតិចិនដែលផ្ទុកមេរោគ កូរ៉ូណា សម្រាកព្យាបាលនៅកំពង់សោម ពេលនេះត្រូវបានអនុញ្ញាតិឱ្យចាកចេញពីមន្ទីពេទ្យក្រុងព្រះសីហនុហើយ
ជនជាតិចិនដែលផ្ទុកមេរោគ កូរ៉ូណា សម្រាកព្យាបាលនៅកំពង់សោម ពេលនេះត្រូវបានអនុញ្ញាតិឱ្យចាកចេញពីមន្ទីពេទ្យក្រុងព្រះសីហនុហើយ
ក្រសួងសុខាភិបាលកម្ពុជា អះអាងថា បុរសជនជាតិចិនដែលឆ្លងវីរុសកូរ៉ូណាថ្មីនោះ ត្រូវបានអនុញ្ញាតឱ្យចាកចេញពីមន្ទីរពេទ្យនៅព្រឹកថ្ងៃនេះ ក្រោយពីលទ្ធផលនៃការពិនិត្យឈាមមិនបានរកឃើញវីរុសកូរ៉ូណាថ្មីនៅក្នុងខ្លួនបុរសរូបនោះទៀតនោះឡើយ។
ក្នុងសេចក្ដីជូនដំណឹងរបស់ខ្លួនចេញនៅព្រឹកថ្ងៃនេះ ក្រសួងសុខាភិបាល បានរៀបរាប់ថា លទ្ធផលពិនិត្យឈាមលើកទី៣ ទៅលើបុរសជនជាតិចិន លោក ចាយ ជៀនហួ (Jia Jianhua) ត្រូវបានធ្វើឡើងកាលពីថ្ងៃទី០៩ ខែកុម្ភៈម្សិលមិញនេះ ហើយរកមិនឃើញមេរោគទៀតនោះឡើយ។
អ្នកនាំពាក្យក្រសួងសុខាភិបាល លោក លី សូវ៉ាន់ បានអោយដឹងនៅថ្ងៃនេះថា លទ្ធផលមន្ទីរពិសោធន៍នៃវិទ្យាស្ថានប៉ាស្ទ័រ លើកទី៣ បានបញ្ជាក់ថា បុរសជនជាតិចិនបានជាសះស្បើយ ដោយក្នុងខ្លួនមិនមានផ្ទុកមេរោគកូរ៉ូណាទៀតទេ។ លោកបញ្ជាក់ថា បុរសជនជាតិចិនអាចជួបជុំគ្នាគ្រួសារ ៣នាក់ទៀត និងអាចទាក់ទងអ្នកផ្សេងបានធម្មតា។
