អភិបាលខេត្តស្វាយរៀង បានចូលរួមពិធីអបអរសាទរព្រឹត្តិការណ៍ខួប ១០ឆ្នាំនៃប្រាសាទព្រះវិហារ និងខួប ១ឆ្នាំនៃប្រាសាទសំបូរព្រៃគុក ជាសម្បត្តិបេតិកភ័ណ្ឌពិភពលោក

អភិបាលខេត្តស្វាយរៀង បានចូលរួមពិធីអបអរសាទរព្រឹត្តិការណ៍ខួប ១០ឆ្នាំនៃប្រាសាទព្រះវិហារ និងខួប ១ឆ្នាំនៃប្រាសាទសំបូរព្រៃគុក ជាសម្បត្តិបេតិកភ័ណ្ឌពិភពលោក

ស្វាយរៀង៖ នៅថ្ងៃទី១៥ ខែកក្កដា ឆ្នាំ២០១៨ អនុវត្តតាមសេចក្តីណែនាំរបស់រាជរដ្ឋាភិបាល លោកទេសរដ្ឋមន្ត្រី រដ្ឋមន្ត្រីក្រសួងធម្មការ និងសាសនា និងការណែនាំផ្ទាល់ពីលោកអភិបាលនៃគណៈអភិបាលខេត្តស្វាយរៀង មន្ទីរធម្មការ និងសាសនាខេត្តស្វាយរៀង បានសហការជាមួយសាលាគណខេត្ត និងវត្តទាំង២៤៤វត្ត បានរៀបចំទូងស្គរ និងវាយជួង ដើម្បីចូលរួមអបអរសាទរព្រឹត្តិការណ៍ខួប១០ឆ្នាំ នៃប្រាសាទព្រះវិហារ និងខួប១ឆ្នាំ នៃប្រាសាទសំបូរព្រៃគុក បានបញ្ចូលជាសម្បត្តិបេតិកភ័ណ្ឌពិភពលោក។ មានអ្នកចូលរួមជាសរុបចំនួន៦៥៦១អង្គ/នាក់ ក្នុងនោះព្រះសង្ឃចំនួន១៩៧១អង្គ និងពុទ្ធបរិស័ទចំនួន៤៥៩០នាក់៕