តើជប៉ុនផ្ញើរសារនយោបាយអ្វីខ្លះដល់កម្ពុជា និងពិភពលោក តាមរយៈដំណើរទស្សនកិច្ចរបស់លោក ហ៊ុន ម៉ាណែត នៅប្រទេសជប៉ុន?
សូមរម្លឹក និងបញ្ជាក់ថា លោក សម រង្ស៊ី បានអញ្ជើញទៅប្រទេសជប៉ុនកាលពីពេលថ្មីៗនេះ ដោយមិនមានការអញ្ជើញពីភាគីជប៉ុនទេ ហើយគាត់បានស្នើសុំជួបភាគីជប៉ុន។
ផ្ទុយគ្នាទាំងស្រុង លោក ហ៊ុន ម៉ាណែត អញ្ជើញទៅប្រទេសជប៉ុន តាមការអញ្ជើញរបស់លោកនាយករដ្ឋមន្ត្រីជប៉ុន និងជាទស្សនកិច្ចផ្លូវការ។ ក្នុងអំឡុងដំណើរទស្សនកិច្ចនេះ ភាគីជប៉ុនបានរៀបចំ (គឺមិនមែនសុំគេជួបទេ) អោយលោក ហ៊ុន ម៉ាណែត ជួបពិភាក្សាការងារជាមួយថ្នាក់ដឹកនាំជាន់ខ្ពស់ជប៉ុនជាច្រើនរូប៖
១. លោក Shizeki Takizaki អគ្គនាយកកិច្ចការអាសុីអាគ្នេយ៍ និងប៉ែកនិរតីនៃក្រសួងការបរទេសជប៉ុន
២. លោក Yasushi Akashi អតីតប្រមុខអ៊ុនតាក់
៣. លោក Kazuyuki Nakane អនុរដ្ឋមន្ត្រីការបរទេសជប៉ុន
៤. លោក Yukihasha Fujita ប្រធានក្រុមសមាជិកអន្តរសភាមិត្តភាពជប៉ុន
៥. លោក Shingo Miyake ប្រធានគណៈកម្មការកិច្ចការបរទេស និងការពារជាតិ
៦. លោក Sonoura ទីប្រឹក្សានាយករដ្ឋមន្ត្រីជប៉ុន
៧. លោក Shinzo Abe នាយករដ្ឋមន្ត្រីជប៉ុន
ដូច្នេះ តើជប៉ុនចង់ផ្ញើរសារនយោបាយដូចម្តេចខ្លះមកអោយកម្ពុជា និងពិភពលោក។ ចម្លើយ៖ លោកនាយករដ្ឋមន្ត្រីជប៉ុនបានបញ្ជាក់ប្រាប់ថា ជប៉ុននៅតែបន្តគាំទ្រដំណើរការបោះឆ្នោតនៅកម្ពុជា។
នេះបានន័យថា គ្មានវត្តមានអតីតគណបក្សសង្គ្រោះជាតិ គ្មានវត្តមានលោក សម រង្ស៊ី លោក កឹម សុខា និងបុគ្គលជាង១០០នាក់ដែលតុលាការកម្ពុជាសម្រេចហាមមិនអោយធ្វើនយោបាយ ក៏មិនមានន័យថាកម្ពុជាមិនអាចមានការបោះឆ្នោតដោយសេរី និងយុត្តិធម៌ និងលទ្ធិប្រជាធិបតេយ្យបានដែរ។
និយាយរួម ជប៉ុនឈរនៅខាងកម្ពុជា និងគាំទ្រការបោះឆ្នោតនៅកម្ពុជា នាពេលខាងមុខនេះ ដែលគ្មានអតីតគណបក្សសង្គ្រោះជាតិ ឬអតីតមេដឹកនាំគណបក្សនេះចូលរួម។
