របៀបធ្វើ «មឹកអាំងពិសេស»
របៀបធ្វើ «មឹកអាំងពិសេស»
របៀបធ្វើ «មឹកអាំងពិសេស»
ថ្ងៃនេះ ខ្មែរប៉ុស្ដិ៍ សូមលើកយកវិធីធ្វើ «មឹកអាំងពិសេស» មកចែកជូនប្រិយមិត្ត ដើម្បីរៀនធ្វើសម្រាប់ពិធីជួបជុំក្នុងគ្រួសារ មិត្តភក្ដិ ឬអាហារពេលល្ងាចនាថ្ងៃនេះ។
គ្រឿងផ្សំ
- មឹក
- ជីរវ៉ាន់ស៊ុយ ស្លឹកខ្ទឹម ( ហាន់តូចៗ )
- ទឹកម្ទេស
- ម្ទេស ខ្ទឹមក្រហម ខ្ទឹមស បុកអោយម៉ត់
- ក្រូចឆ្មារ
- ខ្ញី
- ម្សៅស៊ុប អំបិល ទឹកត្រី និង ស្ករត្នោត។
វិធីធ្វើ
- ដំបូងត្រូវយកមឹកទៅលាងឲ្យជ្រះរំអិល រួចដកឆ្អឹងនឹងសម្អាតពោះរបស់វាឲ្យស្អាត។
- យកខ្ទឹមស ខ្ទឹមក្រហម ខ្ញី និងម្ទេសបុកឲ្យម៉ដ្ឋ រួចយកទៅប្រឡាក់ជាមួយមឹក។
- រួចដាក់ ម្សៅស៊ុប អំបិល ទឹកត្រី និងស្ករត្នោត ឲ្យចូលជាតិជាមួយសាច់មឹក ដោយផ្អាប់វាទុកកន្លះម៉ោង។ បន្ទាប់ មកយកមកដោតចង្កាក់អាំងដោយប្រើភ្លើងតិចៗ អោយវាឆ្អិនល្មម រួចជាការស្រេច ។
វិធីធ្វើទឹកជ្រលក់
យក ទឹកម្ទេស ខ្ទឹមស ខ្ទឹមក្រហម ក្រូចឆ្មារ ទឹកត្រី ម្សៅស៊ុប ជីវ៉ាន់ស៊ុយ ស្លឹកខ្ទឹម និង ម្ទេស លាយចូលគ្នាអោយ សព្វ រួចភ្លក់មើលអោយល្មម ឲ្យមានរសជាតិជូរអែម ហើយហឹរបន្តិច រួចជាការស្រេច៕
