ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច
ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច
នៅព្រឹកថ្ងៃចន្ទ ទី០៥ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញជាអធិបតីភាពក្នុងពិធីប្រគល់សញ្ញាបត្រ ជូននិស្សិតបញ្ចប់ការសិក្សា ពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ចសរុបជិត ៦ពាន់នាក់។
ខាងក្រោមជាខ្លឹមសារសំខាន់ៗរបស់សម្តេចតេជោ ហ៊ុន សែន ដែលបានថ្លែងនៅក្នុងឱកាសខាងលើ៖
- សម្តេចតេជោ ហ៊ុន សែន បានថ្លែងថា រាប់ចាប់តាំងពីឆ្នាំ១៩៩៦មក សម្តេចបានអញ្ជើញប្រគល់សញ្ញាបត្រជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចចំនួន២២លើក ដែលជាចំនួនច្រើនជាងគេបើធៀបសាកលវិទ្យាល័យនានា។
- សម្តេចតេជោ ហ៊ុន សែន បានថ្លែងថា ពិនិត្យលើការអប់រំនាពេលបច្ចុប្បន្ន បានដើរឆ្ពោះមកឆ្ងាយបើធៀបនឹងពេលប្រទេសទើបរំដោះចេញពីរបបខ្មែរក្រហមនាថ្ងៃទី៧ ខែមករា ឆ្នាំ១៩៧៩។
- សម្តេចតេជោ ហ៊ុន សែន បានថ្លែងបង្ហាញការពេញចិត្តចំពោះការវិវឌ្ឍន៍យ៉ាងល្អលើការអប់រំនៅកម្ពុជា។ ក្នុងនោះសម្តេចតេជោ បានបង្ហាញការពេញចិត្តចំពោះការសម្រេចចិត្តរបស់សម្តេច ឱ្យវិស័យឯកជនចូលរួមអភិវឌ្ឍន៍ក្នុងវិស័យអប់រំ។
- សម្តេចតេជោ ហ៊ុន សែន បានថ្លែងថា ការវិវឌ្ឍន៍ដ៏ល្អលើវិស័យអប់រំ គឺបានពីការចូលរួមពីសង្គមកម្ពុជាទាំងអស់គ្នា ទាំងថ្នាក់ដឹកនាំជាតិ ថ្នាក់ដឹកនាំសាលា អាណាព្យាបាល និងសិស្សផ្ទាល់។
- សម្តេចតេជោ ហ៊ុន សែន បានបង្ហាញការពេញចិត្តចំពោះការវិវឌ្ឍន៍សមត្ថភាពរបស់ស្ត្រីនៅកម្ពុជា ជាពិសេសសហគ្រិនជាច្រើន គឺជាស្ត្រី។
- សម្តេចតេជោ ហ៊ុន សែន បានបង្ហាញការពេញចិត្តចំពោះស្ត្រី ដែលប្រឹងប្រែងបង្កើនសមត្ថភាព។ ការអភិវឌ្ឍសមត្ថភាពរបស់ស្ត្រី គឺបានក្លាយជាការរួមចំណែកជួយដល់គ្រួសារ និងសង្គម។
- សម្តេចតេជោ ហ៊ុន សែន បានថ្លែងថា សាកលវិទ្យាល័យរបស់រដ្ឋចំនួន៣ នៅតែដើរតួនាទីសំខាន់សម្រាប់ការអប់រំ។ សាកលវិទ្យាល័យទាំង៣នោះរួមមាន៖ សាកលវិទ្យាល័យភូមិន្ទភ្នំពេញ, សាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសាកលវិទ្យាល័យជាតិគ្រប់គ្រង។
- សម្តេចតេជោ ហ៊ុន សែន បានថ្លែងថា ការប្រកួតប្រជែងភូមិសាស្ត្រនយោបាយ ជាពិសេសនាវាដើរដោយថាមពលនុយក្លេអ៊ែរ គឺជាក្តីបារម្ភមួយសម្រាប់ពិភពលោក។
- សម្តេចតេជោ ហ៊ុន សែន បានថ្លែងថា ពិភពលោកនឹងប្រឈមនឹងបញ្ហាកាន់តែធ្ងន់ធ្ងរ បើមានការប្រជែងផ្នែកសព្វាវុធ។
- សម្តេចតេជោ ហ៊ុន សែន បានថ្លែងបង្ហាញក្តីរំពឹងថា អាមេរិក និងចិន នឹងអាចស្វែងរកការស្រុះស្រួលគ្នា ដើម្បីបញ្ចៀសបញ្ហាទាំងឡាយ។
- សម្តេចតេជោ ហ៊ុន សែន បានថ្លែងថា ណាតូ កំពុងឈានពីអឺរ៉ុប ឆ្ពោះមករកតំបន់អាស៊ី។
- សម្តេចតេជោ ហ៊ុន សែន មានក្តីរំពឹងមុតមាំថា កម្ពុជា នឹងក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០
- សម្តេចតេជោ ហ៊ុន សែន សម្តែងការអបអរសាទរចំពោះនិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ដែលបញ្ចប់ការសិក្សា និងអញ្ជើញទទួលសញ្ញាបត្រនៅព្រឹកថ្ងៃនេះ។ សម្តេចតេជោ បានបញ្ជាក់ថា សមិទ្ធផលទាំងនេះ មិនមែនធ្លាក់ពីលើមេឃទេ គឺបានពីកិច្ចប្រឹងប្រែង។
- សម្តេចតេជោ ហ៊ុន សែន បានថ្លែងថា មេដឹកនាំមិនប្រឹងប្រែងអភិវឌ្ឍន៍សមត្ថភាព ប្រៀបដូចដុំថ្មសង្កត់លើពន្លក។
- សម្តេចតេជោ ហ៊ុន សែន បានលើកឡើងថា គេមិនអាចផ្លាស់ប្តូរអតីតកាលបានទេ។ ប៉ុន្តែអតីតបានក្លាយជាពិសោធន៍សម្រាប់បច្ចុប្បន្នកាល និងទៅអនាគត។
- សម្តេចតេជោ ហ៊ុន សែន បានថ្លែងថា ពិធីបើកអាស៊ានប៉ារ៉ាហ្គេម មិនចាញ់ការបើកស៊ីហ្គេមនោះឡើយ។ ស៊ីហ្គេម មនុស្សហោះតែម្នាក់ អាស៊ានប៉ារ៉ាហ្គេម មនុស្សហោះរហូតដល់ទៅ ១០នាក់។
- សម្តេចតេជោ ហ៊ុន សែន បានថ្លែងថា ការរៀបចំប្រកួតស៊ីហ្គេម និងអាស៊ានប៉ារ៉ាហ្គេម បានរួមចំណែកពង្រឹងសាមគ្គីភាព និងមិត្តភាពប្រជាជាតិអាស៊ីអាគ្នេយ៍ជាង ៦០០លាននាក់។
- សម្តេចតេជោ ហ៊ុន សែន បានថ្លែងថា កេរ្តិ៍ឈ្មោះរបស់កម្ពុជា ក្នុងការរៀបចំស៊ីហ្គេម និងអាស៊ានប៉ារ៉ាហ្គេម ចាយមិនអស់ទេ ហើយបន្សល់ទុកឱ្យកូនខ្មែររាប់រយឆ្នាំទៅមុខទៀត។
- សម្តេចតេជោ ហ៊ុន សែន បានថ្លែងថា រឿងឈ្នះចាញ់ ជារឿងមួយរបស់កម្ពុជា តែអ្វីដែលសំខាន់សម្រាប់កម្ពុជា គឺចាត់តាំងការប្រកួត និងមើលថែប្រតិភូកីឡាឱ្យបានល្អ។
- សម្តេចតេជោ ហ៊ុន សែន ផ្តាំទៅកីឡាករ កីឡាការិនីមានពិការភាព កុំបាក់ទឹកចិត្តចំពោះលទ្ធផលនៃការប្រកួត តែត្រូវធ្វើឱ្យបានល្អក្នុងនាមជាម្ចាស់ផ្ទះ។
- សម្តេចតេជោ ហ៊ុន សែន បន្តថ្លែងបង្ហាញក្តីរំពឹងថា អាស៊ានដេញថ្លៃធ្វើម្ចាស់ប្រកួតកីឡាអូឡាំពិក និងបាល់ទាត់ពិភពលោក។
- សម្តេចតេជោ ហ៊ុន សែន បង្ហាញបំណងចង់ឲ្យអាស៊ាន បង្កើតក្រុមបាល់ទាត់អាស៊ានមួយក្រុម ដោយអាចយកកីឡាករខ្លាំងៗ២នាក់ ពីបណ្តាប្រទេសសមាជិកអាស៊ាន។
- សម្តេចតេជោ ហ៊ុន សែន លើកឡើងថា ទម្លាប់ដេកថ្ងៃមិនល្អទេ។
- សម្តេចតេជោ ហ៊ុន សែន អំពាវនាវ និងអង្វរអ្នកលេងបណ្តាញសង្គម ដកចេញបទចម្រៀង «មរណភាពព្រះស្វាមី ជ័យវរ្ម័នទី៧»៕
Fresh News
