ស្លុតចិត្តណាស់ !ក្មេងស្រីអាយុ១០ឆ្នាំម្នាក់បានលង់ទឹកស្រះស្លាប់
ស្លុតចិត្តណាស់ !ក្មេងស្រីអាយុ១០ឆ្នាំម្នាក់បានលង់ទឹកស្រះស្លាប់
ខេត្តកំពង់ឆ្នាំង ៖ ពិតជាអាណោចអាធ័មណាស់ក្មេងស្រីអាយុ១០ឆ្នាំម្នាក់បានលង់ទឹកស្រះស្លាប់ ខណៈទៅងូតទឹកស្រះកាលពីនេះបានកើតឡើងនៅវេលាម៉ោង ១០និង២០នាទីព្រឹក ថ្ងៃទី២ ខែមិថុនា ឆ្នាំ២០១៨ នៅក្នុងសាលាវិទ្យាល័យ ហ៊ុនសែន កំពង់ត្រឡាច ។
កុមារីរងគ្រោះមានឈ្មោះ សុខ ស៊ីណាវី អាយុ១០ឆ្នាំ មានឪពុកឈ្មោះ សុខ ចំរើន ម្ដាយឈ្មោះ កែវ សុខា មានទីលំនៅភូមិសាលាលេខប្រាំ ឃុំអូរឫស្សី ស្រុកកំពង់ត្រឡាច មានមុខរបរលក់ដូរ នៅសាលាវិទ្យាល័យកើតហេតុខាងលើ ។
យោងតាមប្រភពព័ត៌មានបឋមពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុកុមារីរងគ្រោះបានទៅលេងស្រះទឹកក្នុងសាលាកើតហេតុខាងលើជាមួយក្មេងៗច្រើននាក់ទៀតនៅក្នុងសាលាកើតហេតុខាងលើ ។ ពេលនោះក្មេងស្រីរងគ្រោះបានរអិលធ្លាក់ចូលទឹកជ្រៅបណ្ដាលឲ្យលង់ពេលនោះក្មេងៗដែលលេងទឹកជាមួយក៏បានរត់ទៅហៅឪពុកម្ដាយដែលកំពុងទៅលក់ដូរ នៅក្នុងសាលាតែទម្រាំមនុស្សចាស់ទៅដល់ហើយចុះទៅរាវរកឃើញកុមារីរងគ្រោះបានលង់ទឹកស្លាប់បាត់ហើយ ។
ឪពុកម្ដាយមិនអស់ចិត្តរួមជាមួយសមត្ថកិច្ចមកក៏បាននាំកុមារីរងគ្រោះទៅសង្គ្រោះនៅមណ្ឌលសុខភាពស្រុកកំពង់ត្រឡាចត្រូវគ្រូពេទ្យប្រាប់ថា នាងបានស្លាប់ទៅហើយរួចបានប្រគល់សពកុមារីរងគ្រោះទៅក្រុមគ្រួសារយកទៅធ្វើបុណ្យតាមប្រពៃណី ៕
