កូវីដ-១៩៖ អ្នកឆ្លងថ្មីចំនួន ៣៦៨នាក់ ជាសះស្បើយចំនួន ៤០២នាក់ និងអ្នកស្លាប់ចំនួន ១នាក់
កូវីដ-១៩៖ អ្នកឆ្លងថ្មីចំនួន ៣៦៨នាក់ ជាសះស្បើយចំនួន ៤០២នាក់ និងអ្នកស្លាប់ចំនួន ១នាក់ក្រសួងសុខាភិបាល នៅថ្ងៃទី៣ ខែមីនា ឆ្នាំ២០២២នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ-១៩ ថ្មីចំនួន ៣៦៨នាក់ (លទ្ធផលបញ្ជាក់ដោយម៉ាស៊ីន PCR) អ្នកជាសះស្បើយចំនួន ៤០២នាក់ និងអ្នកស្លាប់ចំនួន ១នាក់ (មិនបានចាក់វ៉ាក់សាំង)។
បើតាមសេចក្តីប្រកាសព័ត៌មានដដែលនេះ ក្នុងចំណោមឆ្លងថ្មីទាំងអស់នោះ សុទ្ធសឹងជាករណីឆ្លងមេរោគបំប្លែងខ្លួនថ្មី Omicron និងមាន ២៥នាក់ ជាករណីនាំចូល។
សូមជម្រាបថា គិតត្រឹមពេលនេះ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ១៣១,៣៧២នាក់ ក្នុងនោះអ្នកជាសះស្បើយសរុបចំនួន ១២៥,០២៩នាក់ និងស្លាប់សរុបចំនួន ៣,០៣៣នាក់៕
