ខ្មែរប៉ុស្ដិ៍ Close

សម្តេចតេជោ ហ៊ុន សែន៖ គ្មានការបិទប្រទេស ឬបិទទីក្រុងដូចឆ្នាំមុនទេ

ដោយ៖ សន ប្រាថ្នា ​​ | ថ្ងៃអង្គារ ទី២២ ខែកុម្ភៈ ឆ្នាំ២០២២ ព័ត៌មានទូទៅ 935
សម្តេចតេជោ ហ៊ុន សែន៖ គ្មានការបិទប្រទេស ឬបិទទីក្រុងដូចឆ្នាំមុនទេសម្តេចតេជោ ហ៊ុន សែន៖ គ្មានការបិទប្រទេស ឬបិទទីក្រុងដូចឆ្នាំមុនទេ

សម្តេចតេជោ ហ៊ុន សែន បានថ្លែងថា ដោយសារមានមតិមួយចំនួនបានលើកឡើងថា អាចនឹងមានការបិទប្រទេស ឬបិទទីក្រុងម្តងទៀតនោះ សម្តេច បានអះអាងថា នឹងគ្មានការបិទប្រទេស ឬបិទទីក្រុងដូចឆ្នាំមុនទេ សុំកុំមានការព្រួយបារម្ភ។ សម្តេចបានថ្លែងដូចនេះនៅព្រឹកថ្ងៃទី២២ ខែកុម្ភៈ ឆ្នាំ២០២២ ក្នុងឱកាសអញ្ជើញជាអធិបតីបើកការដ្ឋានសាងសង់ស្ថានីយ៍ប្រព្រឹត្តិកម្មទឹកកខ្វក់បឹងជើងឯក លើផ្ទៃដីទំហំ ៣ហិកតា ស្ថិតនៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

សម្តេចតេជោ ហ៊ុន សែន បានគូសបញ្ជាក់ថា ការបិទប្រទេសឬបិទទីក្រុងលើកមុននោះ ដោយសារប្រជាពលរដ្ឋយើងមិនទាន់បានចាក់វ៉ាកសាំងការពារជំងឺកូវីដ-១៩ បានច្រើននៅឡើយ ប៉ុន្តែពេលនេះ ប្រជាពលរដ្ឋយើងបានទទួលវ៉ាក់សាំងបានច្រើនរួចមកហើយ។

សម្តេចតេជោ ហ៊ុន សែន ក៏បានគូសបញ្ជាក់ថា ប្រសិនបើមានការឆ្លងនៅទីតាំងណាមួយគឺគ្រាន់តែយកអ្នកជំងឺទៅសម្រាកព្យាបាលបានហើយ មិនចាំបាច់បិទទីតាំងទាំងមូលនោះឡើយ៕

អត្ថបទទាក់ទង