សម្តេចតេជោ ហ៊ុន សែន៖ ជប៉ុន ចូលរួមចំណែកយ៉ាងច្រើននៅក្នុងដំណើរការស្វែងរកសន្តិភាព និងអភិវឌ្ឍនៅកម្ពុជា
សម្តេចតេជោ ហ៊ុន សែន៖ ជប៉ុន ចូលរួមចំណែកយ៉ាងច្រើននៅក្នុងដំណើរការស្វែងរកសន្តិភាព និងអភិវឌ្ឍនៅកម្ពុជាសម្តេចតេជោ ហ៊ុន សែន បានថ្លែងរំលឹកពីការចូលរួមចំណែកយ៉ាងធំធេងរបស់ប្រទេសជប៉ុននៅក្នុងដំណើរការស្វែងរកសន្តិភាព និងការអភិវឌ្ឍរបស់កម្ពុជា។ សម្តេចបានថ្លែងដូចនេះនៅព្រឹកថ្ងៃទី១០ ខែមករា ឆ្នាំ២០២២ ក្នុងពិធីសម្ពោធដាក់ឲ្យប្រើប្រាស់ជាផ្លូវការកំណាត់ផ្លូវជាតិលេខ៥ ពីខេត្តបាត់ដំបង ទៅក្រុងសេរីសោភ័ណ ខេត្តបន្ទាយមានជ័យ ក្រោមឥណទានសម្បទានពីរដ្ឋាភិបាលជប៉ុន។
សម្តេចតេជោ ហ៊ុន សែន បានគូសបញ្ជាក់ថា ការចុះហត្ថលេខាបង្កើតក្រុមប្រឹក្សាជាតិជាន់ខ្ពស់ (SNC) ក៏ត្រូវបានចុះហត្ថលេខានៅទីក្រុងតូក្យូ ប្រទេសជប៉ុនផងដែរ។ ដូច្នេះជប៉ុន ចូលរួមចំណែកយ៉ាងខ្លាំងក្នុងដំណើរការកិច្ចព្រមព្រៀងសន្តិភាពទីក្រុងប៉ារីស។
សម្តេចតេជោ ហ៊ុន សែន ក៏បានគូសបញ្ជាក់ថា រហូតមកដល់សព្វថ្ងៃនេះ ជប៉ុននៅតែបន្តជួយកម្ពុជានៅក្នុងការអភិវឌ្ឍហេដ្ឋារចនាសម្ព័ន្ធនៅកម្ពុជាផងដែរ៕
