ក្រសួងអប់រំ បន្តផ្អាកជាបណ្តោះអាសន្ន នូវគ្រឹះស្ថានអប់រំទាំងរដ្ឋ និងឯកជនមួយចំនួនទៀត ដើម្បីចៀសវាងការឆ្លងជំងឺកូវីដ -១៩ ចូលក្នុងសាលារៀន
ក្រសួងអប់រំ បន្តផ្អាកជាបណ្តោះអាសន្ន នូវគ្រឹះស្ថានអប់រំទាំងរដ្ឋ និងឯកជនមួយចំនួនទៀត ដើម្បីចៀសវាងការឆ្លងជំងឺកូវីដ -១៩ ចូលក្នុងសាលារៀន
(ភ្នំពេញ)៖ ក្រសួងអប់រំ យុវជន និងកីឡា នាថ្ងៃទី២១ ខែកុម្ភៈ ឆ្នាំ២០២១នេះ បានចេញសេចក្តីជូនដំណឹង ស្តីពី ការផ្អាកដំណើរការជាបណ្តោះអាសន្ន អនុវិទ្យាល័យឫស្សីជ្រោយ សាលាបឋមសិក្សា ហ៊ុន សែន ឫស្សីជ្រោយ ស្រុកស្អាង អនុវិទ្យាល័យឫស្សីស្រុក ស្រុកកៀនស្វាយ ខេត្តកណ្តាលសាលាបឋមសិក្សាកូលាបទី ១ និងសាលារៀនអន្តរទ្វីបអាមេរិកាំង សាខាចាក់អង្រែរាជធានីភ្នំពេញ។
តាមក្រសួងអប់រំ បានបន្តថា ការសម្រេចផ្អាកខាងលើ បានធ្វើឡើង ដើម្បីចៀសវាងការឆ្លងជំងឺកូវីដ -១៩ ចូលក្នុងសាលារៀន និងរីករាលដាលក្នុងសហគមន៍។ គួររម្លឹកផងដែរថា នៅថ្ងៃដដែលនោះផងដែរ ក្រសួងអប់រំ ក៏បានផ្អាកដំណើរការជាបណ្តោះអាសន្ន នូវវិទ្យាល័យសម្តេច ហ៊ុនសែន ភ្នំពេញថ្មី និងសាលាអន្តរជាតិ អេស អាយ អេស សាខាឡាក់គីស្តារ៕
