ក្រសួងអប់រំចុះ MOU ជាមួយសាលាឯកជន ផ្តល់អាហារូបករណ៍ភាសាអង់គ្លេស ១០០ភាគរយ ចំនួន ២០០០កន្លែង
ក្រសួងអប់រំ យុវជន និងកីឡា និងមជ្ឈមណ្ឌលអូស្ត្រាលីសម្រាប់ការបណ្ដុះបណ្ដាលនៃស្ថាប័ន IDP Education (Cambodia) បានចុះអនុស្សរណៈនៃការយោគយល់គ្នាលើកម្មវិធីអាហារូបករណ៍សិក្សាភាសាអង់គ្លេសតាមប្រព័ន្ធអេឡិចត្រូនិកសម្រាប់សិស្សវិទ្យាល័យថ្នាក់ទី១២ ឆ្នាំសិក្សា២០១៩-២០២០ ដោយសាលា ACE នឹងផ្ដល់ជូននូវអាហារូបករណ៍ ១០០% ចំនួន២០០០កន្លែង ដើម្បីបំប៉នភាសាអង់គ្លេស និងការបណ្ដុះបណ្ដាលនូវការប្រើប្រាស់កម្មវិធីសិក្សាតាមប្រព័ន្ធអេឡិចត្រូនិកពីសាលា ACE។
សម្រាប់ការទទួលពាក្យ និងការធ្វើតេស្ត៖ ចាប់ពីថ្ងៃនេះរហូតដល់ ថ្ងៃទី២០ ខែមិថុនា ឆ្នាំ២០២០។ ប្រកាសលទ្ធផល៖ ថ្ងៃទី២៣ ខែមិថុនា ឆ្នាំ២០២០ និងបញ្ចប់វគ្គសិក្សា៖ ថ្ងៃទិ០៨ ខែកញ្ញា ឆ្នាំ២០២០៕
