ឆ្អឹងដាយណូស័រថ្មី ដែលទើបរកឃើញ «ធ្វើឲ្យ T-Rex ក្លាយមកត្រឹមជាកូនដាណូស័រ» មួយប៉ុណ្ណោះ!
ឆ្អឹងដាយណូស័រថ្មី ដែលទើបរកឃើញ «ធ្វើឲ្យ T-Rex ក្លាយមកត្រឹមជាកូនដាណូស័រ» មួយប៉ុណ្ណោះ!ការសិក្សាស្រាវជ្រាវមួយបានអះអាងថា សត្វដាយណូស័រអម្បូរថ្មីមួយប្រភេទ មានទំហំដ៏សែនធំមហិមាជាងគេបង្អស់ ដែលបើយកទៅធៀបជាមួយ និងដាយណូស័រស៊ីសាច់ជាអាហារ Tyrannosaurus Rex ឬ T-Rex ដ៏កំណាចគួរឲ្យខ្លាចវិញនោះគឺ T-Rex ប្រៀបដូចជាកូនដាយណូស័រតូចមួយអ៊ីចឹង។ នេះបើតាមការចេញផ្សាយដោយ សារព័ត៌មាន Independent នៅព្រឹកថ្ងៃសុក្រ ទី១១ ខែសីហា ឆ្នាំ២០១៧។
ហ្វូស្ស៊ីល (Fossil) របស់សត្វដាយណូស័រនេះ ត្រូវបានគេរកឃើញនៅភាគខាងត្បូងប្រទេសអាហ្សង់ទីន កាលពីឆ្នាំ២០១២ ហើយនាពេលថ្មីៗនេះ ក្រុមអ្នកស្រាវស្រាវ ដែលបានធ្វើការត្រួតពិនិត្យ និងកំណត់អាយុកាលឲ្យពួកវានោះបាននិយាយថា សត្វដែលមានក៏ដ៏វែងនេះ គឺធំជាងគេបំផុត នៅក្នុងចំណោមក្រុមសត្វដាយណូស័រយក្សស៊ីរុក្ខជាតិជាអាហារ ដែលគេហៅថា Titansosars។
of one of the largest dinosaurs ever discovered is unveiled at the American Museum of Natural History on January 14, 2016 in New York City. The replica of the “Titanosaur” weighs about 70 tons, is 17 feet tall and stretches to nearly 122 feet long. The dinosaur belongs to the titanosaur family and was discovered by Paleontologists in the Patagonian Desert of Argentina in 2014 and lived about 100 to 95 million years ago. The exhibit at the museum features bones, fossils and a fibreglass replica of the creature. (Photo by Spencer Platt/Getty Images)
ក្រុមអ្នកស្រាវជ្រាវបានដាក់ឈ្មោះឲ្យសត្វដាយណូស័រនេះថា «Patagotitan Mayorum» តាមតំបន់ Patagonia ដែលបានរកឃើញគ្រោងឆ្អឹងរបស់វា និងពាក្យ Titan របស់ក្រិចដែលមានន័យថាធំ ហើយឈ្មោះទីពីររបស់វា គឺដើម្បីជាការគោរពដល់ក្រុមគ្រួសារមួយ ដែលបានផ្តល់ទីកន្លែងស្នាក់អាស្រ័យបណ្តោះអាសន្នដល់ក្រុមការងារក្នុងបេសកកម្មស្រាវជ្រាវនេះ។
ហ្វូស្ស៊ីលចំនួន ០៦ របស់វាត្រូវបានគេសិក្សាថា មានអាយុកាលប្រមាណជា ១០០លានឆ្នាំហើយ ដោយផ្អែកទៅលើកម្ទេចផេះនៅជុំវិញពួកវា។ សត្វដាយណូស័រ Patagotitan ត្រូវគេជឿជាក់ថា មានទម្ងន់ប្រហែល ៦២តោន និងកម្ពស់ជិត ០៦ម៉ែត្រ គិតត្រឹមស្មារបស់វា ហើយបើវាស់ចាប់ពីក្បាលដល់ចុងកន្ទុយមានប្រវែងយ៉ាងតិច ៣៧ម៉ែត្រឯណោះ។
បើសិនជាអ្នកពិបាកក្នុងការស្រមៃចេញជារូបភាពរបស់វាគួរជ្រាបថា ដាយណូស័រ Patagotitan មានទំហំប៉ុនសត្វដំរីប្រហែល ០៧ក្បាល, ធំជាងរថយន្តក្រុងពីរគ្រឿងទៅទៀត ឬក៏ប្រហាក់ប្រហែលនឹងពាក់កណ្តាល នៃទទឹងរបស់ស្តាតបាល់ទាត់ទូទៅមួយ ដែលវាវែងជាងដាយណូស័រ Brachiosaurus និងត្រីបាឡែនខៀវយក្សសព្វថ្ងៃទៅទៀត ដោយសត្វទាំងពីរប្រភេទនេះមានប្រវែងអតិប្បរមាត្រឹម ៣០ម៉ែត្រ អីតែប៉ុណ្ណោះ។
គួរបញ្ជាក់ថា Patagotitan ក៏មានគូប្រជែងសម្រាប់តំណែងជាសត្វលើកគោកធំជាងគេបង្អស់ផងដែរ ដោយសត្វដាយណូស័រស្រដៀងគ្នានេះ មានឈ្មោះថា Argentinosaurus ត្រូវបានគេគណនាថា មានទម្ងន់លើសពី ៨០តោន ក៏ប៉ុន្តែតាមពិតទៅវាមានទំហំតូចជាង Patagotitan ១០ភាគរយ៕
