លោក ខាន់ សុវណ្ណ ម្ចាស់កម្មវិធី live show របស់អង្គព្រោកប្រាជ្ញ សរសេរលិខិតសុំទោសឯកឧត្តម គី តិច
លោក ខាន់ សុវណ្ណ ម្ចាស់កម្មវិធី live show របស់អង្គព្រោកប្រាជ្ញ សរសេរលិខិតសុំទោសឯកឧត្តម គី តិចនៅថ្ងៃទី២៣ ខែឧសភា ឆ្នាំ២០២០នេះ លោក ខាន់ សុវណ្ណ ដែលជាអ្នកប្រើប្រាស់បណ្តាញសង្គមហ្វេសប៊ុក នៃកម្មវិធី Live show ហើយធ្លាប់បានអនុញ្ញាតឱ្យបានបន្តផ្ទាល់នៅក្នុងវិទ្យុបាយ័ន បានសរសរលិខិតសុំទោសឯកឧត្តម គី តិច ដែលមានខ្លឹមសារដូចខាងក្រោមនេះ៖
លិខិតសុំទោស
ខ្ញុំបាទ ខាន់ សុវណ្ណ សូមគោរពសុំទោសចំពោះឯកឧត្តម គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្ដេចតេជោសែន ដោយខ្ញុំបានលើកឡើងនៅក្នុងឡាយសូ កាលពីយប់ថ្ងៃទី១៨ ថា : មេធាវី ដែលជាអ្នកចេះច្បាប់បែរជា យករឿងក្តី ទៅធ្វើជាជំនួញ… និង បានលើកឈ្មោះ ឯកឧត្តម គី តិច ថាជាប្រធានគណៈមេធាវីបច្ចុប្បន្ន ដែលការនេះនាំឲ្យមានការភ័ន្តច្រឡំ ប៉ះពាល់ដល់ភាពត្រឹមត្រូវ ស្អាតស្អំ របស់ក្រុមមេធាវី និងមេធាវីស្ម័គ្រចិត្តសម្តេចតេជោ ដែលបច្ចុប្បន្ននេះ ឯកឧត្តមគី តិច កំពុងដឹកនាំក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោសែន។
អាស្រ័យហេតុដូចបានជម្រាបជូនខាងលើនេះ សូមឯកឧត្តម និងក្រុមមេធាវីស្ម័គ្រចិត្ត មេត្តាអភ័យទោសដល់រូបខ្ញុំបាទផង៕
ភ្នំពេញ.ថ្ងៃទី២៣.៥.២០២០
ខាន់ សុវណ្ណ
