រដ្ឋបាលរាជធានីភ្នំពេញ អំពាវនាវដល់បងប្អូនប្រជាពលរដ្ឋ ផ្អាកការរៀបចំពិធីជប់លៀង មង្គលការ បុណ្យ និងកម្មវិធីជួបជុំផ្សេងៗ ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩
រដ្ឋបាលរាជធានីភ្នំពេញ អំពាវនាវដល់បងប្អូនប្រជាពលរដ្ឋ ផ្អាកការរៀបចំពិធីជប់លៀង មង្គលការ បុណ្យ និងកម្មវិធីជួបជុំផ្សេងៗ ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩
រដ្ឋបាលរាជធានីភ្នំពេញ អំពាវនាវដល់បងប្អូនប្រជាពលរដ្ឋ ផ្អាក ឬលើកពេលការរៀបចំពិធីជប់លៀង មង្គលការ ពិធីបុណ្យ និងកម្មវិធីជួបជុំផ្សេងៗ ដើម្បីជាការចូលរួមបង្ការ និងទប់ស្កាត់ការរីករាលដាលនៃជំងឺកូវីដ-១៩។ នេះបើតាមលិខិតអំពាវនាវរបស់រដ្ឋបាលរាជធានីភ្នំពេញ ចុះនៅថ្ងៃទី១៩ ខែមីនា ឆ្នាំ២០២០។
ជាមួយគ្នានេះដែរ រដ្ឋបាលរាជធានីភ្នំពេញ ក៏បានអំពាវនាវដល់ ម្ចាស់អាជីវកម្មចុងភៅ ម្ចាស់អគារ ភោជនីយដ្ឋាន មជ្ឈមណ្ឌលសម្រាប់ជួលទាំងអស់ក្នុងរាជធានីភ្នំពេញ មេត្តាកុំកាត់លុយ ឬទាមទារសំណងពីម្ចាស់កម្មវីធី។ សកម្មទាំងនេះ ក៏ជាការចូលរួមក្នុងយុទ្ធនាការទប់ស្កាត់ និងប្រយុទ្ធប្រឆាំងនឹងជំងឺកូវីដ-១៩ ដែលស្របតាមសារាចរណែនាំរបស់រាជរដ្ឋាភិបាល។
លើសពីនេះ រដ្ឋបាលរាជធានីភ្នំពេញ សង្ឃឹមយ៉ាងមុតមាំថា បងប្អូនប្រជាពលរដ្ឋទាំងអស់នឹងចូលរួមអនុវត្តតាមការអំពាវនាវនេះ ក៏ដូចជាចូលរួមទប់ស្កាត់ និងប្រយុទ្ធប្រឆាំងនឹងជំងឺកូវីដ-១៩ ជាមួយរាជរដ្ឋាភិបាល ដើម្បីឲ្យសង្គមជាតិយើងជៀសផុតពីគ្រោះភ័យនេះផងដែរ។
សូមអានខ្លឹមសារលម្អិតខាងក្រោម៖
