សាលារាជធានីភ្នំពេញ ដាក់ឲ្យមហាជនបោះឆ្នោតជ្រើសរើសគម្រូក្លោងរបារកាត់ទទឹងផ្លូវសម្រាប់ពិធីបុណ្យអុំទូក នៅលើទំព័រ Facebook របស់ខ្លួន
សាលារាជធានីភ្នំពេញ ដាក់ឲ្យមហាជនបោះឆ្នោតជ្រើសរើសគម្រូក្លោងរបារកាត់ទទឹងផ្លូវសម្រាប់ពិធីបុណ្យអុំទូក នៅលើទំព័រ Facebook របស់ខ្លួន
នៅថ្ងៃទី២៨ ខែតុលា ឆ្នាំ២០១៨នេះ សាលារាជធានីភ្នំពេញ បានដាក់ឲ្យមហាជនទូទៅមានសិទ្ធិចូលរួមបោះឆ្នោតជ្រើសរើសគម្រូក្លោងរបារកាត់ទទឹងផ្លូវសម្រាប់ពិធីបុណ្យអុំទូក នៅលើទំព័រ Facebook ផ្លូវការរបស់ខ្លួន ដែលមានឈ្មោះថា «ដើម្បីប្រជាជន រាជធានី» ។
ដើម្បីចូលរួមបោះឆ្នោតជ្រើសរើសខ្លោងរបារកាត់ទទឹងផ្លូវនោះបាន បងប្អូនដែលប្រើប្រាស់បណ្តាញទំនាក់ទំនងសង្គម (Facebook) គ្រាន់តែចុច Like រូបភាពមួយសន្លឹក ដែលបងប្អូនគិតថាស្អាត និងស័ក្តិសមជាងគេ។
រូបភាពទាំង ៥ជម្រើសខាងក្រោម គឺជាស្នាដៃរបស់បេក្ខជនដែលបានជ្រើសរើសដោយគណៈកម្មការវាយតម្លៃ ចេញពីរូបភាពចំនួន ៤៥រូបភាព ដែលមានបេក្ខជនចំនួន ២៩នាក់ បានផ្ញើមកដើម្បីចូលរួមប្រកួតរចនាខ្លោងរបារកាត់ទទឹងផ្លូវ អបអរសាទរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ២០១៨ ដោយពិនិត្យទៅលើ អត្ថន័យខ្លឹមសារព្រះរាជពិធី រចនាបថខ្មែរ លក្ខណៈបច្ចេកទេសនៃការសាងសង់ និងការរចនាភ្លើងឱ្យអាចទទួលយកបានទាំងពេលថ្ងៃ និងពេលយប់ ទើបគណៈកម្មការវាយតម្លៃ សម្រេចជ្រើសរើសបានរូបភាពទាំង ៥ ខាងក្រោមនេះ៖
រូបភាពដែលទទួលបានការ Like គាំទ្រ ច្រើនជាងគេចំនួន ៤រូបភាព នឹងត្រូវយកទៅដំឡើងនៅតាមគោលដៅទាំង៤ ដែលបានត្រៀមរួចជាស្រេច។
ការប្រមូលការគាំទ្រ នឹងត្រូវបញ្ចប់នៅថ្ងៃអង្គារ ទី៣០ ខែតុលា ឆ្នាំ២០១៨ វេលាម៉ោង ៣រសៀល៕
