ខ្មែរប៉ុស្ដិ៍
Close

Real Madrid មានគម្រោងទិញកីឡាករឆ្នើម Mbappe ចូលក្រុមថែមទៀត

ដោយ៖ ស៊ីវេត មធុរ៉ា ​​ | ថ្ងៃអង្គារ ទី៤ ខែកុម្ភៈ ឆ្នាំ២០២០ កីឡា - សុខភាព 37

អេស្ប៉ាញ៖ ក្រោយលេចឭព័ត៌មានថាមិនសប្បាយចិត្តជាមួយក្លិបអ្នកមានបារាំង Paris Saint-Germain ក្លិបយក្សអេស្ប៉ាញ Real Madrid បានត្រៀមដាក់សំណើក្នុងទំហំទឹកប្រាក់ ២៥០លានផោនដើម្បីនាំយកកីឡាករខ្សែប្រយុទ្ធ Kylian Mbappe នៅទីផ្សាររដូវក្ដៅខាងមុខ នេះបើតាមសេចក្ដីរាយការណ៍។

សារព័ត៌មាន Mundo Deportivo បានចុះផ្សាយថាខ្សែប្រយុទ្ធជម្រើសជាតិបារាំង Mbappe មានបំណងចង់ចាកចេញពីក្លិបមានមូលដ្ឋាននៅរដ្ឋធានីរបស់ប្រទេសបារាំង ក្រោយមិនសប្បាយចិត្តជាមួយអ្នកចាត់ការទូទៅលោក Thomas Tuchel។ ចំណុចដែលគួរឲ្យចាប់អារម្មណ៍មួយទៀតនោះគឺ Mbappe បានចុច Like លើរូបភាពដែល Benzeme បង្ហោះនៅលើ Instagram អំពីជ័យជម្នះរបស់ Real Madrid ទៅលើ Atletico Madrid ផងដែរ។

ជាមួយគ្នានេះ អ្នកចាត់ការទូទៅរបស់ Real Madrid លោក Zinedine Zidane ធ្លាប់បានបង្ហាញអារម្មណ៍ចាប់ចិត្តទៅលើកីឡាករដែលជួយឲ្យបារាំងឈ្នះពាន FIFA World Cup 2018 រូបនេះ ក្នុងការយកមកលេងនៅកីឡដ្ឋាន Santiago Bernabeu តាំងពីទីផ្សារដោះដូរកីឡាកររដូវក្ដៅលើកមុន។ ខណៈ Mbappe ក៏ធ្លាប់បានពន្លយថា Zidane ជានិមិត្តរួបម្នាក់របស់គេផងដែរ។

គួរឲ្យដឹងដែរថា Mbappe បានបង្ហាញអារម្មណ៍មិនសប្បាយចិត្តចំពោះលោក Thomas Tuchel ក្រោយផ្លាស់ប្ដូររូបគេចេញនៅវគ្គទី២ ក្នុងជំនួបក្របខណ្ឌ Ligue 1 ដែល PSG យកឈ្នះ Montpellier ក្នុងលទ្ធផល ៥ទល់នឹង០ កាលពីយប់ថ្ងៃសៅរ៍កន្លងទៅ៕

អត្ថបទទាក់ទង