ពិតអត់! UEFA ប្រកាសថា Liverpool គឺជាម្ចាស់ជើងឯក Champions League ២០១៨
ពិតអត់! UEFA ប្រកាសថា Liverpool គឺជាម្ចាស់ជើងឯក Champions League ២០១៨
UEFA បានរងនូវកំហុសឆ្គងដ៏អាម៉ាស់ដោយសារវេបសាយផ្លូវការរបស់ខ្លួន បានបង្ហាញរួចជាស្រេចថា Liverpool ជាអ្នកឈ្នះពាន Champions League បើទោះជាការប្រកួតផ្ដាច់ព្រ័ត្រជាមួយ Real Madrid នឹងមកដល់នៅប៉ុន្មានសប្តាហ៍ខាងមុខក៏ដោយ។ នេះបើតាម Dailymail ដែលបានចុះផ្សាយកាលពីយប់មិញ។
តាមរយៈរូបភាពនេះ UEFA ហាក់បីដូចជាដឹងមុនរួចជាស្រេចថាក្រុមហង្សក្រហម Liverpool នឹងលើកពាន Champions League នារដូវកាលនេះ។
ផ្ទាំងរូបភាពស្ថិតនៅផ្នែក History ផ្នែកខាងលើនៃគេហទំព័រផ្លូវការរបស់ UEFA បានសរសេរថា “Liverpool ឈ្នះពាន រដូវកាល ២០១៧/១៨” រួមជាមួយរូបភាពផ្ទៃខាងក្រោយ មានកីឡាករ Cristiano Ronaldo, Toni Kroos, Sergio Ramos, Mohamed Salah, Virgil van Dijk និង Roberto Firmino។ យ៉ាងណាក្តី មកទល់នឹងពេលនេះ ក្រុមការងារ Sabay បានចូលទៅផ្នែក History លើវេបសាយ UEFA ប៉ុន្តែលែងឃើញផ្ទាំងបដានោះនៅលើវេបសាយទៀតហើយ។
នេះមិនមែនជាលើកទី១ទេ ដែល UEFA ត្រូវបានចោទប្រកាន់ពីសុចរិតភាពរបស់ខ្លួនក្នុងការរៀបចំការប្រកួត សូម្បីកន្លងមក ក៏មានបែកធ្លាយរឿងសំបុត្រប្រកួតវគ្គពាក់កណ្តាលផ្តាច់ព្រ័ត្ររវាង Liverpool និង Roma បើទោះជាមិនទាន់ផ្គូរផ្គងគូប្រកួតក្តី។ ប្រភពខាងលើបន្ត៕
ប្រភព៖ Sabay
