ពិតអត់! UEFA ប្រកាសថា Liverpool គឺជាម្ចាស់ជើងឯក Champions League ២០១៨

ដោយ៖ សន ប្រាថ្នា | ថ្ងៃសៅរ៍ ទី៥ ខែឧសភា ឆ្នាំ២០១៨ កីឡា - សុខភាព 1035

UEFA បានរងនូវកំហុសឆ្គងដ៏អាម៉ាស់ដោយសារវេបសាយផ្លូវការរបស់ខ្លួន បានបង្ហាញរួចជាស្រេចថា Liverpool ជាអ្នកឈ្នះពាន Champions League បើទោះជាការប្រកួតផ្ដាច់ព្រ័ត្រជាមួយ Real Madrid នឹងមកដល់នៅប៉ុន្មានសប្តាហ៍ខាងមុខក៏ដោយ។ នេះបើតាម Dailymail ដែលបានចុះផ្សាយកាលពីយប់មិញ។

តាមរយៈរូបភាពនេះ UEFA ហាក់បីដូចជាដឹងមុនរួចជាស្រេចថាក្រុមហង្សក្រហម Liverpool នឹងលើកពាន Champions League នារដូវកាលនេះ។

ផ្ទាំងរូបភាពស្ថិតនៅផ្នែក History ផ្នែកខាងលើនៃគេហទំព័រផ្លូវការរបស់ UEFA បានសរសេរថា “Liverpool ឈ្នះពាន រដូវកាល ២០១៧/១៨” រួមជាមួយរូបភាពផ្ទៃខាងក្រោយ មានកីឡាករ Cristiano Ronaldo, Toni Kroos, Sergio Ramos, Mohamed Salah, Virgil van Dijk និង Roberto Firmino។ យ៉ាងណាក្តី មកទល់នឹងពេលនេះ ក្រុមការងារ Sabay បានចូលទៅផ្នែក History លើវេបសាយ UEFA ប៉ុន្តែលែងឃើញផ្ទាំងបដានោះនៅលើវេបសាយទៀតហើយ។

នេះមិនមែនជាលើកទី១ទេ ដែល UEFA ត្រូវបានចោទប្រកាន់ពីសុចរិតភាពរបស់ខ្លួនក្នុងការរៀបចំការប្រកួត សូម្បីកន្លងមក ក៏មានបែកធ្លាយរឿងសំបុត្រប្រកួតវគ្គពាក់កណ្តាលផ្តាច់ព្រ័ត្ររវាង Liverpool និង Roma បើទោះជាមិនទាន់ផ្គូរផ្គងគូប្រកួតក្តី។ ប្រភពខាងលើបន្ត៕

ប្រភព៖ Sabay

អត្ថបទទាក់ទង

កំពូលកីឡាកររត់ប្រណាំង Usain Bolt បានប្តូរអាជីព ដោយចូលរួមជាមួយក្លឹបបាល់ទាត់នៅអូស្ត្រាលីកីឡា - សុខភាពថ្ងៃអង្គារ ទី១៧ ខែកក្កដា ឆ្នាំ២០១៨ 1535
កីឡាករ ៤ រូបដែលអាចនឹងទទួលបានស្បែកជើងមាសកីឡា - សុខភាពថ្ងៃចន្ទ ទី៣០ ខែមេសា ឆ្នាំ២០១៨ 4058
Honda ត្រូវបានតែងតាំងជាអ្នកគ្រប់គ្រងថ្មីរបស់ក្រុមបាល់ទាត់ជម្រើសជាតិកម្ពុជាកីឡា - សុខភាពថ្ងៃអាទិត្យ ទី១២ ខែសីហា ឆ្នាំ២០១៨ 1111
ក្រោយចប់បេសកម្ម World Cup បែលហ្សិក អបអរ មិនចាញ់ជើងឯកបារាំងប៉ុន្មានទេ (មានវីដេអូ)កីឡា - សុខភាពថ្ងៃចន្ទ ទី១៦ ខែកក្កដា ឆ្នាំ២០១៨ 1350