ខ្មែរប៉ុស្ដិ៍ Close

ចម្លាក់បង្កាន់ដៃអសុរា និងទេវតាទ្រនាគ នៅខ្លោងទ្វារដីឆ្នាំង បញ្ចប់ការជួសជុលជាស្ថាពរ

ដោយ៖ សន ប្រាថ្នា ​​ | ថ្ងៃចន្ទ ទី២ ខែធ្នូ ឆ្នាំ២០១៩ ព័ត៌មានទូទៅ 1467
ចម្លាក់បង្កាន់ដៃអសុរា និងទេវតាទ្រនាគ នៅខ្លោងទ្វារដីឆ្នាំង បញ្ចប់ការជួសជុលជាស្ថាពរចម្លាក់បង្កាន់ដៃអសុរា និងទេវតាទ្រនាគ នៅខ្លោងទ្វារដីឆ្នាំង បញ្ចប់ការជួសជុលជាស្ថាពរ

ជិតមួយឆ្នាំកន្លងមកនេះ ដំណើរការជួសជុលចម្លាក់បង្កាន់ដៃអសុរា និងទេវតាទ្រនាគ នៅខ្លោងទ្វារដីឆ្នាំងប្រព្រឹត្តិទៅយ៉ាងរលូន និងបានលទ្ធផលយ៉ាងល្អប្រសើរដោយមានការចូលរួមពីស្ថាបត្យករ វិស្វករ បុរាណវិទ្យា ក្រុមការងារអភិរក្សថ្ម ពលករ ថ្នាក់ដឹកនាំអាជ្ញាធរជាតិអប្សរា ដើម្បីដំណើរការពិភាក្សាឱ្យការជួសជុលសមស្របទៅតាមតម្លៃបេតិកភណ្ឌខ្មែរ និងច្បាប់អន្តរជាតិ។

ការជួសជុលចម្លាក់បង្កាន់ដៃអសុរាទ្រនាគ និងលើកតម្រង់រូបចម្លាក់ទេវតានៅខ្លោងទ្វារដីឆ្នាំង អនុវត្តដោយអ្នកជំនាញអាជ្ញាធរជាតិអប្សរាចាប់ពីថ្ងៃទី២២ ខែមេសា ឆ្នាំ២០១៩មក បានបញ្ចប់ជាស្ថាពរ នាចុងខែវិច្ឆិកា ឆ្នាំ២០១៩។

អត្ថប្រយោជន៍ក្រោយពីបញ្ចប់ការជួសជុលចម្លាក់បង្កាន់ដៃអសុរានិងទេវតាទ្រនាគ នៅខ្លោងទ្វារដីឆ្នាំង លោក មុនី បានសង្កត់ធ្ងន់ថា គឺជាទីតាំងសំខាន់ដែល ភ្ញៀវទេសចរឆ្លងកាត់ឥតដាច់ ដូច្នេះយើងត្រូវយកចិត្តទុកដាក់ថែរក្សាបេតិកភណ្ឌដ៏មហស្ចារ្យមួយនេះឱ្យបានល្អ ដើម្បីរួមចំណែកក្នុងការលើកតម្លៃក្នុងតំបន់នេះ និងអាចបង្កើនកន្លែងទស្សនាដល់ទេសចរបានច្រើន។

ជាងនេះទៅទៀត វាជាការផ្តល់ឯកសារប្រវត្តិសាស្ត្រជាសំខាន់បំផុតនៃការជួសជុលចម្លាក់មួយនេះ ដើម្បីឱ្យភ្ញៀវទេសចរនិងអ្នកសិក្សាស្រាវជ្រាវទាំងបច្ចុប្បន្ននិងអនាគតបានឃើញ បានសិក្សាជាប្រយោជន៍ ពិសេសគឺលើកតម្លៃស្នាដៃរបស់បុព្វបុរសខ្មែរជំនាន់មុនដែលបានបន្សល់ស្នាដៃដ៏ល្អឯកសម្រាប់កូនចៅខ្មែរជំនាន់នេះ និងលើកតម្លៃអ្នកដឹកនាំជំនាន់ថ្មីដែលបានយកចិត្តទុកដាក់ក្នុងការថែរក្សាសម្បត្តិដូនតា។ ការជួសជុលជាសាលាបណ្តុះ បណ្តាលដល់ពលករបានចំនួន១៩នាក់ឲ្យចេះពីរបៀបជួសជុល និងការសម្រង់ប្លង់ទាំងបុរាណទាំងវិទ្យាសាស្រ្ត៕

អត្ថបទទាក់ទង