អគ្គស្នងការរងនគរបាលជាតិ ពង្រឹងផែនការរក្សាសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋក្នុងឱកាសប្រារព្ឋពិធីបុណ្យជាតិ
អគ្គស្នងការរងនគរបាលជាតិ ពង្រឹងផែនការរក្សាសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋក្នុងឱកាសប្រារព្ឋពិធីបុណ្យជាតិឧត្តមសេនីយ៍ឯក តេង សួន អគ្គស្នងការរងនគរបាលជាតិ និងមេបញ្ជាការស្រាលប្រតិបត្តិការ S 911 មុខព្រួញទិសកោះកុង និងលោកស្រី មិថុនា ភូថង អភិបាល នៃគណៈអភិបាលខេត្តកោះកុង និងជាប្រធានបញ្ជាការគណៈបញ្ជាការឯកភាព រដ្ឋបាលខេត្ត បានអញ្ជើញចុះសួរសុខទុក្ខ និងសំណេះសំណាលជាមួយកងកម្លាំងប្រដាប់អាវុធ សរុបចំនួន ៣៦៣ នាក់ នៅស្នងការដ្ឋាននគរបាលខេត្តកោះកុង។
ក្នុងឱកាសនេះដែរ លោកឧត្ដមសេនីយ៍ឯក បានឧបត្ថម្ភដល់កងកម្លាំងក្នុង ១ស្ថាប័ន ៣.០០០.០០០៛ និងលោកស្រីអភិបាលខេត្ត បានឧបត្ថម្ភដល់កងកម្លាំងក្នុង ១ស្ថាប័ន ២.០០០.០០០ ៛។
ក្រោយចប់កម្មវិធីធី កងកម្លាំងប្រដាប់អាវុធ បានដង្ហែរក្បួនហ្វឹកហាត់ ដោយចេញដំណើរជុំវិញក្រុងខេមរភូមិន្ទ និងឆ្ពោះទៅព្រំដែនអន្តរជាតិចាំយាម ដេីម្បីត្រៀមរក្សាសន្តិសុខ សុវត្ថិភាព និងសណ្តាប់ធ្នាប់ ក្នុងឱកាសខួបអនុស្សាវរីយ៍លេីកទី ៦៦ នៃទិវាបុណ្យឯករាជ្យជាតិ និងបុណ្យអុំទូក បណ្ដែតប្រទីប អកអំបុក សំពះព្រះខែ នាឆ្នាំ២០១៩៕
