លម្អិតបន្ថែមអំពីការដឹកជញ្ជូនអ្នកដំណើរតាមផ្លូវទឹក ដែលនឹងដំណើរការនៅថ្ងៃទី៦ ខែមេសា
លម្អិតបន្ថែមអំពីការដឹកជញ្ជូនអ្នកដំណើរតាមផ្លូវទឹក ដែលនឹងដំណើរការនៅថ្ងៃទី៦ ខែមេសាកាលពីថ្ងៃទី១០ ខែមីនា ឆ្នាំ២០១៨ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូអញ្ជើញចុះត្រួតពិនិត្យការដ្ឋានសាងសង់ចំណតកំពង់ផែដឹកជញ្ជូនអ្នកដំណើរតាមផ្លូវទឹក ស្ថិតនៅត្រង់ចំណុចទីលានប្រជាធិបតេយ្យថ្មី តាមបណ្តោយផ្លូវជាតិលេខ៥។
លោក ស៊ុន ចាន់ថុល បានថ្លែងថា ការដឹកជញ្ជូនតាមផ្លូវទឹកនេះ គឺជាប្រវត្តិសាស្ត្រលើកដំបូង របស់កម្ពុជា ដើម្បីចូលរួមចំណែក កាត់បន្ថយការកកស្ទះចរាចរណ៍តាមផ្លូវគោក និងបង្កើនសុវត្ថិភាពចរាចរណ៍ដល់អ្នកធ្វើដំណើរ ចូល-ចេញ និងឆ្លងកាត់រាជធានីភ្នំពេញជារៀងរាល់ថ្ងៃ។
លោក ស៊ុន ចាន់ថុល ក្នុងពេលចុះពិនិត្យការដ្ឋានសាងសង់ចំណតកំពង់ផែ នៅចំណុចទីលានប្រជាធិបតេយ្យ (រូបថត៖ ក្រសួងសាធារណការ)zការដាក់ដំណើរការលើកដំបូងនាពេលខាងមុខនេះ នឹងមានទូកដឹកអ្នកដំណើរ ចំនួន ៣គ្រឿង ក្នុងនោះ ២គ្រឿង ជាទូករបស់ក្រុមហ៊ុន Royal Express Boat អាចផ្ទុកមនុស្ស ៦០នាក់ និង១គ្រឿងទៀត ជាទូករបស់កំពង់ផែស្វយ័តភ្នំពេញ ដែលកំពុងសាងសង់ អាចផ្ទុកអ្នកដំណើរបាន ៥៤នាក់ បំពាក់ដោយម៉ាស៊ីនត្រជាក់ និងពោងសុវត្ថិភាព។
ជាមួយនឹងទូក ៣គ្រឿងជាជំហានដំបូងនេះ នឹងធ្វើចរាចរណ៍ផ្តល់សេវាចេញដំណើរពីព្រែកព្នៅទៅក្រុងតាខ្មៅ ចម្ងាយសរុបប្រមាណ ២៥គីឡូម៉ែត្រ ចំណាយពេលវេលា ជាមធ្យម៣៤នាទី មានចំណតផែចំនួន ០៥រួមមាន៖ ចំណតផែព្រែកព្នៅ ទីលានប្រជាធិបតេយ្យថ្មី ផ្សាររាត្រី កោះពេជ្រ និងក្រុងតាខ្មៅ៕
ប្រភព៖ ខ្លីៗ
