(សូមទស្សនាវីដេអូ) សេចក្តីបំភ្លឺរបស់រដ្ឋបាលក្រុងបាត់ដំបង ចំពោះករណីឆេះផ្ទះរបស់លោក មាស នី
រដ្ឋបាលក្រុងបាត់ដំបង ខេត្តបាត់ដំបង នៅថ្ងៃទី២០ ខែមិថុនា ឆ្នាំ២០១៩នេះ បានចេញសេចក្តីបំភ្លឺចំពោះករណីឆេះផ្ទះរបស់លោក មាស នី នាពេលកន្លងទៅថ្មីៗនេះថា មូលហេតុនៃការឆេះនេះ បើតាមការសន្និដ្ឋានរបស់សមត្ថកិច្ចជំនាញ គឺបណ្តាលមកពីទុសេចរន្តអគ្គិសនីដែលផ្តើមចេញពីផ្ទះឈើប្រក់សង្ក័សីរបស់ឈ្មោះ អ៊ុង ស័កពិសិដ្ឋ ដែលស្ថិតនៅពីក្រោយផ្ទះរបស់លោក មាស នី ដែលបណ្តាលឲ្យឆាបឆេះផ្ទះលោក មាស នី ផ្នែកខាងលើទាំងស្រុង។
នៅក្នុងសេចក្តីបំភ្លឺនេះ រដ្ឋបាលក្រុងបាត់ដំបងក៏បានលើកឡើងដែរថា លោក មាស នី បានធ្វើការផ្សាយតាមរយៈគណនីហ្វេសប៊ុកឈ្មោះ ព្រាប កុល ដែលបញ្ជាក់ថា ករណីអគ្គីភ័យនេះកើតឡើងដោយចៃដន្យ មិនមានជនណា ឬគណបក្សណានៅពីក្រោយខ្នងឡើយ។
ម្យ៉ាងវិញទៀត រដ្ឋបាលក្រុងបាត់ដំបងបានច្រានចោលទាំងស្រុងចំពោះការលើកឡើងរបស់គណនីហ្វេសប៊ុកឈ្មោះ Kimseng Eab ដែលធ្វើឲ្យប៉ះពាល់ដល់កិត្តិយសរបស់ថ្នាក់ដឹកនាំរដ្ឋបាលក្រុង រដ្ឋបាលខេត្ត លើករណីឆេះផ្ទះរបស់លោក មាស នី នេះផងដែរ។
ចំពោះព័ត៌មានលម្អិត សូមអានសេចក្តីបំភ្លឺខាងក្រោម៖
