កត្តាសុខសន្តិភាព ជាគន្លឹះនៃការអភិវឌ្ឍធ្វើឲ្យកម្ពុជាទទួលបានជោគជ័យក្នុងការអភិវឌ្ឍសេដ្ឋកិច្ចជាតិ
កត្តាសុខសន្តិភាព ជាគន្លឹះនៃការអភិវឌ្ឍធ្វើឲ្យកម្ពុជាទទួលបានជោគជ័យក្នុងការអភិវឌ្ឍសេដ្ឋកិច្ចជាតិ
កត្តាសុខសន្តិភាព ជាគន្លឹះនៃការអភិវឌ្ឍធ្វើឲ្យកម្ពុជាទទួលបានជោគជ័យក្នុងការអភិវឌ្ឍសេដ្ឋកិច្ចជាតិ
កត្តាសុខសន្តិភាព ជាគន្លឹះនៃការអភិវឌ្ឍធ្វើឲ្យកម្ពុជាទទួលបានជោគជ័យក្នុងការអភិវឌ្ឍសេដ្ឋកិច្ចជាតិ
នៅព្រឹកថ្ងៃទី៧ ខែឧសភា ឆ្នាំ២០១៩ លោក នាក់ ណេរ៉ុន អភិបាលរងនៃគណៈអភិបាលខេត្ត បានអញ្ជើញជាអធិបតីក្នុងពិធីអបអរសាទរខួបលើកទី ១៣៣ ទិវាពលកម្មអន្តរជាតិ ០១ ឧសភា ២០១៩ ក្រោមប្រធានបទ «កិច្ចគាំពារសង្គម ដើមី្បផលិតភាព» ដោយមានការចូលរួមពីសំណាក់អស់លោក លោកស្រីជាថ្នាក់ដឹកនាំមន្ទីរ អង្គភាព អាជ្ញាធរក្រុង ស្រុក មន្ត្រីរាជការ និងកម្មករ កម្មការនី មកពីគ្រប់គ្រឹះស្ថាន សហគ្រាស សណ្ឋាគារ ភោជនីយដ្ឋាននានាក្នុងខេត្ត សរុបជាង៤០០នាក់ចូលរួម។
ការប្រារព្ធទិវានេះឡើង ក្នុងគោលបំណងរំលឹក និង ឧទ្ទិសគុណដល់វរៈភាពដ៏អង់ អាចក្លាហានរបស់កម្មករ ដែលបានប្រឹងប្រែងពុះពារ និងប្តូរជីវិត ដើមី្បការងារ សិទ្ធកម្មករទាំងមូល និង ធានាដល់សិទ្ធ ពលកម្ម និង លើកកម្ពស់ជីវភាពរបស់ពួកគាត់ ឲ្យកាន់តែប្រសើរឡើង។
ក្នុងសារលិខិតរបស់លោកនាយករដ្ឋមន្រ្តី ហ៊ុន សែន ក្នុងឱកាសខួបអនុស្សាវរីយ៍លើកទី១៣៣ ទិវាពលកម្មអន្តរជាតិ (១ ឧសភា ១៨៨៦.២០១៩ ) ដែលអានដោយលោក ច័ន្ទ សុខុមចិត្តា ប្រធានមន្ទីរការងារនិងបណ្តុះបណ្តាលវិជ្ជាជីវៈខេត្ត មានខ្លឹមសារបញ្ជាក់ថា ក្នុងរយៈពេល៥០ឆ្នាំ កម្ពុជាបានផ្តល់សច្ចាប័នលើអនុសញ្ញាអន្តរជាតិ ចំនួន១៣ មានអនុសញ្ញាស្នូលទាំង៨ ធ្វើឲ្កម្ពុជាក្លាយជាប្រទេសមួយ ក្នុងចំណោមបីប្រទេសក្នុងតំបន់អាស៊ាន ដោយបានដាក់បញ្ចូលទៅក្នុងរដ្ឋធម្មនុញ្ញ ច្បាប់ និង លិខិតបទដ្ឋានគតិយុត្តរបស់កម្ពុជា។
កត្តាសុខសន្តិភាព ជាគន្លឹះនៃការ អភិវឌ្ឍន៍ ធ្វើឲ្យកម្ពុជាទទួលបានជោគជ័យ ក្នុងការអភិវឌ្ឍសេដ្ឋកិច្ចកម្ពុជា ដែលធ្វើឲ្យកំណើនជាមធ្យម៧%ក្នុងរយៈពលជាង២ទស្សវត្សរ៍ និងបានបង្កើនការងារក្នុងអត្រា ៩៩,៣០%នៃពលកម្មជាង ១០លាននាក់ ក្នុងនោះមាន សហគ្រាស គ្រឹះស្ថានសេដ្ឋកិច្ចក្នុងប្រព័ន្ធជិត ១ម៉ឺន មានកម្មករ និយោជិត ប្រមាណ២លាន៤សែននាក់ និង វិស័យ កសិកម្ម ជាង៤លាននាក់ កម្មករធ្វើការនៅក្រៅប្រទេសប្រមាណ ១លាន២សែននាក់ និង មន្ត្រីសាធារណៈប្រមាណ ៥សែននាក់ ។
បច្ចុប្បន្ននេះ លក្ខខណ្ឌការងារ សិទ្ធិកម្មករនិយោជិត សេរីភាពសហជីព និងអង្គការវិជ្ជាជីវៈ មានស្ថានភាពល្អប្រសើរជាងពេលណាៗទាំងអស់នៅក្នុងប្រវត្តិសាស្រ្ត ហើយដែលប្រការនេះបានក្លាយជា ប្រៀបខ្លាំងរបស់ កម្ពុជាយើង ក្នុងការប្រកួតប្រជែងលើទីផ្សារនាំចេញផលិតផល នៃវិស័យ វាយនភណ្ឌ កាត់ដេរ និងផលិតស្បែកជើង។
ថ្លែងនៅក្នុងពិធីបើកទិវាពលកម្មអន្តរជាតិលើកទី១៣២៣ ឱកាសនោះ លោក នាក់ ណេរ៉ុន បានរំលឹកផងដែរថា ព្រឹត្តិការណ៍ទិវាពលកម្មអន្ដរជាតិ១ឧសភា ត្រូវបានប្រារព្វជារៀងរាល់ឆ្នាំ។
លោកបន្តថា រាជរដ្ឋាភិបាល ក៏បានចេញសារាចរណែនាំនិងសារលិខិត ដើម្បីបំផុសលើកទឹកចិត្តគ្រប់ក្រសួង ស្ថាប័នពាក់ព័ន្ធរោងចក្រ សហគ្រាសនានា ត្រៀមរៀបចំកម្មវិធីសំណេះសំណាលជាមួយកម្មករនិយោជិត កម្មវិធីកំសាន្ដសប្បាយ ពិធីជប់លៀង រាំកំសាន្ដ រៀបចំដំណើរទេសចរណ៍ រៀបចំឲ្យកម្មករកម្មការិនីសម្រាកលំហែដែលនាំមកនូវបរិយាកាសសាមគ្គីភាព ភាតរៈភាពក្នុងសង្គម។
លោកបានបញ្ជាក់ថា រាជរដ្ឋាភិបាល បានដាក់ចេញនូវ «គោលនយោបាយជាតិស្តីពីមុខរបរ និងការងារ ឆ្នាំ២០១៥-២០២៥» និង គោលនយោបាយជាតិ ស្តីពីការអប់រំបណ្តុះបណ្តាលបច្ចេកទេស និង វិជ្ជាជីវៈ ឆ្នាំ២០១៧.២០២៥ និង ផែនការយុទ្ធសាស្ត្រអភិវឌ្ឍន៍វិស័យការងារ និងបណ្តុះបណ្តាលវិជ្ជាជីវៈ ឆ្នាំ២០១៩.២០២៣ ព្រមទាំងកម្មវិធីការងារ សមរម្យប្រចាំប្រទេសកម្ពុជា លើកទី៥ ឆ្នាំ២០១៩-២០២៣ ដែលនឹងត្រូវប្រកាសឲ្យប្រើប្រាស់ក្នុងឆ្នាំ២០១៩នេះ ។ ម៉្យាងទៀត រាជរដ្ឋាភិបាលកម្ពុជា ដែលមានចក្ខុវិស័យ លើកកម្ពស់ជីវភាព ភាពថ្លៃថ្នូររបស់ពលរដ្ឋគ្រប់រូប ប្រកបដោយសមធម៌ ។
លោកអភិបាលរងខេត្ត ក៏បានបញ្ជាក់ផងដែរថា រាជរដ្ឋាភិបាល និងបន្តកិច្ចសហប្រតិបត្តិការ ក្នុងការអនុវត្តគម្រោង អភិវឌ្ឍន៍លក្ខខណ្ឌការងារ សិទ្ធិសេរីភាព អង្គការវិជ្ជាជីវៈប្រកបដោយតម្លាភាព ដើមី្បធ្វើឲ្យកាន់តែប្រសើរឡើងនូវសុខដុមនីយកម្មទំនាក់ទំនងវីជ្ជាជីវៈ និង លើកកម្ពស់ផលិតភាព និង ជីវភាព។
លោកក៏បានធ្វើការផ្តាំផ្ញើ និងពន្យល់ដល់បងប្អូនជាកម្មករ កម្មការី ក៏ដូចមន្ត្រីរាជការទាំងអស់ អំពីអត្ថន័យទិវាពលកម្មអន្តរជាតិ ១ឧសភា ជាសមទ្ធិផលរបស់មនុស្សជាតិ ដែលបានបង្កើតឡើង នូវលក្ខខណ្ឌការងារស្តង់ដាមួយសម្រាប់អនុវត្តពេលបច្ចុប្បន្ន ទាំងនោះលើសកលលោក និងកម្ពុជា។
ដើមី្បឆ្លើយតបទៅនឹងស្មារតីថ្ងៃ ១ឧសភានេះ លោកអភិបាលរងខេត្ត ក៏បាន អំពាវនាវដល់និយោជកនិយោជិតកម្មករអង្គការសហជីពអង្គការជាតិ អន្តរជាតិដែលត្រូវយកចិត្តទុកដាក់ខ្ពស់ ក្នុងកិច្ចការងារនេះ ដើមី្បសម្រេចមហិច្ឆិតា ប្រែក្លាយកម្ពុជា ទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និង ចំណូលខ្ពស់នៅឆ្នាំ២០៥០ទៀតផង៕
