លោកនាយករដ្ឋមន្រ្តី ហ៊ុន សែន កោតសរសើរដល់កម្មករនិយោជិតដែលមិនមានការតក់ស្លុតចំពោះការបំផុសសង្រ្គាមចិត្តសាស្រ្ត

លោកនាយករដ្ឋមន្រ្តី ហ៊ុន សែន កោតសរសើរដល់កម្មករនិយោជិតដែលមិនមានការតក់ស្លុតចំពោះការបំផុសសង្រ្គាមចិត្តសាស្រ្ត

លោកនាយករដ្ឋមន្រ្តី ហ៊ុន សែន បានថ្លែងកោតសរសើរចំពោះកម្មករ និយោជិត និងប្រជាពលរដ្ឋទាំងអស់ដែលមិនមានការតក់ស្លុតចំពោះការបំផុសសង្រ្គាមចិត្តសាស្រ្តកន្លងមកពីមជ្ឈដ្ឋានមួយចំនួន។ លោកបានថ្លែងដូចនេះនៅព្រឹកថ្ងៃទី២០ ខែកុម្ភៈ ឆ្នាំ២០១៩នេះ ក្នុងឱកាសអញ្ជើញជួបសំណេះសំណាលជាមួយបងប្អូនកូនក្មួយកម្មករ កម្មការិនីប្រមាណជាង១ម៉ឺននាក់ មកពីរោងចក្រ សហគ្រាសចំនួន៣៤ ដែលធ្វើឡើងនៅមជ្ឈមណ្ឌលពាណិជ្ជកម្ម Chengdu Bayi (Cambodia) ស្ថិតនៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល។

លោកនាយករដ្ឋមន្រ្តី ហ៊ុន សែន បានគូសបញ្ជាក់ថា ដរាបណា និយោជិត កម្មករ កម្មការិនី មន្រ្តីរាជការ កងកម្លាំងប្រដាប់អាវុធទាំងអស់ នៅតែមានការងារធ្វើ នៅតែមានប្រាក់ខែ សូមកុំខ្វល់ពីការនិយាយរបស់អ្នកដទៃឱ្យសោះ៕