រូបថតមួយសន្លឹករបស់លោក សម រង្ស៊ី បង្ហាញនូវភាពល្ងង់ខ្លៅអស់សាច់!
រូបថតមួយសន្លឹករបស់លោក សម រង្ស៊ី បង្ហាញនូវភាពល្ងង់ខ្លៅ!
អ្នកនយោបាយមួយរូប លោក សម រង្ស៊ី ដែលមានឈាមជ័រជាកូនរបស់លោក សម សារី (ជនក្បត់ជាតិ) បានដើរតាមគន្លងក្បត់ជាតិដូចឪពុកខ្លួន គឺស្គាល់តែភាពបរាជ័យផ្ទួនៗក្នុងមួយជីវិតនយោបាយ ។ មិនត្រឹមតែប៉ុណ្ណោះ ក្នុងដំណាក់កាលចុងក្រោយនេះ លោក សម រង្ស៊ី រងនូវបាបកម្មឲ្យផល ត្រូវយីអ៊ុនដាក់ អារ័ក្សជាន់ និងថែមទាំងជួបគ្រោះជាប់រហូត បន្ទាប់ពីរលត់រលាយគណបក្សសង្គ្រោះជាតិហើយ គឺកំពុងប្រឈមមុខនឹងទោសទណ្ឌវ័ណ្ឌកដោះស្រាយមិនរួចទៀតផង។
ដូចពាក្យគេតែងដំណាលថា បើក្រយ៉ៅវាថោក គឺថោកមួយជីវិត។ ម៉្យាងវិញទៀត ការសេពគប់ក៏យ៉ាងដូច្នោះដែរ បើចាប់ដៃគូប៉ះចំអាស៊យ គឺវានឹងនាំអន្តរាយដល់ខ្លួនឯង ខណៈដែល សម រង្ស៊ី ជាមនុស្សដែលមានរាសីអាប់ស្រាប់ផងនោះ ។ ដៃគូស៊យ គឺសំដៅលើ លោក កឹម សុខា ជាអ្នកនយោបាយស្ទើរភ្លើង ឆោតល្ងង់ ហើយអ្នកទាំងពីរ កឹម សុខា និង សម រង្ស៊ី គិតតែពីស្រេកឃ្លានចង់បានអំណាចដោយមិនខំប្រឹងកសាងគុណសម្បត្តិអ្វីបន្តិចសោះ ដើម្បីជាតិមាតុភូមិ ផ្ទុយទៅវិញបង្កបង្កើតតែគំនិតញុះញង់ អុចអាល ដុតបញ្ឆេះកំហឹងជាតិសាសន៍ បង្កចលាចលសង្គម ដើម្បីដណ្តើមអំណាចក្រៅរង្វង់ច្បាប់ បំពានគោលការណ៍ប្រជាធិបតេយ្យ សេរីពហុបក្ស និងការចង់ផ្តួលរំលំរដ្ឋអំណាចស្របច្បាប់ ដោយពួកគេមិនធ្វើឡើងតាមការបោះឆ្នោត ទីបំផុត ដួលរលំខ្លួនឯង និងបក្សទាំងមូលត្រូវរលំរលាយអស់ពីទឹកដីកម្ពុជា។ បច្ចុប្បន្ន អតីតបក្សសង្គ្រោះជាតិ ប្រៀបបាននឹងខ្មោច ឬសាកសព ហើយសកម្មភាពរបស់ថ្នាក់ដឹកនាំបក្សចំនួន១១៨រូបនោះទៀតសោត ក៏ប្រឈមនឹងផ្លូវច្បាប់គ្រប់ពេលវេលា ប្រសិនពួកគេនៅតែចិញ្ចឹមចិត្តបំផ្លាញស្ថិរភាពសង្គម ដែលកំពុងស្ថិតនៅក្រោមអំណាចរបស់លោក ហ៊ុន សែន។
ភាពបរាជ័យនេះ គឺពិតជាកើតចេញពីធាតុផ្សំដែលមិនអាចខ្វះបានជុំវិញចរិតលក្ខណៈនៃជនទាំងពីរ គឺ លោក សម រង្ស៊ី និងលោក កឹម សុខា ដែលធ្វើនយោបាយទុច្ចរិត ក្បត់ឆន្ទៈរាស្ត្រ និងថែមទាំងធ្វើស្រែលើខ្នងរាស្ត្រ បោកសកម្មជនជើងក្រោមប្រើដើម្បីតែមហិច្ឆតាបក្ខពួកខ្លួន ឬក៏អាចនិយាយមួយបែបទៀតថា ទេវតាបរាមុខ ពួកជន និងក្រុមបក្សដែលបំពានពាក្យសម្បថមុខអង្គរ។
សូមអ្នកនយោបាយខ្មែរគ្រប់ជំនាន់ ត្រូវចងចាំទុក គឺកុំស្បថបំពានបារមី វត្ថុស័ក្តិសិទ្ធ ជាពិសេសវិញ្ញាណក្ខ័ន្ធរបស់បុព្វបុរសដែលជាម្ចាស់ទឹកដីកម្ពុជា ដែលបុព្វបុរសទាំងអស់នោះសុទ្ធតែមានប្រវត្តិតស៊ូ ដើម្បីការពារទឹកដី និងកសាងកេរ្តិ៍ឈ្មោះល្បីខ្ទរខ្ទា ហើយបានបន្សល់ទុកនូវភាពល្បីរន្ទឺនោះតមកសម្រាប់ជនានុជនជំនាន់ក្រោយគោរព កោតក្រែង។ វីរបុរសរបស់កម្ពុជា មិនមែនកើតចេញពីការពូកែញុះញង់ បង្កចលាចល និងប៉ុនប៉ងនាំសង្គ្រាមជាថ្មីមកឲ្យខ្មែរឈឺចាប់ខ្លោចផ្សាទៀតនោះទេ។ ហេតុអ្វីបានជាអតីតថ្នាក់ដឹកនាំបក្សសង្គ្រោះជាតិប្រមាថដល់តម្លៃពិតរបស់បុព្វបុរសកម្ពុជា និងមិនត្រឹមតែមិនចូលរួមថែរក្សាសន្តិភាព នាំភាពសុខសាន្តជូនពលរដ្ឋខ្មែរប៉ុណ្ណោះទេ ថែមទាំងស្ម័គ្រចិត្តលក់ខួរក្បាលបំរើបរទេស យកយុទ្ធសាស្ត្រ យុទ្ធវិធីពីប្រទេសលោកខាងលិចមកអនុវត្តនៅកម្ពុជាថែមទៀត។
នេះចាត់ទុកថា ជាមហាភ័ព្វសំណាងធំណាស់សម្រាប់ពលរដ្ឋកម្ពុជា ដែលបានរួចផុតពីភាពវឹកវរចលាចលសង្គម ដោយសារតែវិធានការក្តៅរបស់លោក ហ៊ុន សែន ទប់ស្កាត់បានទាន់ពេលវេលា គឺបំបាក់ឥទ្ធិពលបរទេសនិយមរបស់ក្រុមប្រឆាំង តាមរយៈវិធានការផ្លូវច្បាប់ កុំអីនៅពេលនេះ ខ្មែរកំពុងរងគ្រោះក្នុងទឹកភ្នែក និងទុក្ខវេទនាយ៉ាងណាទៅ? បទពិសោធនៅបណ្តាប្រទេសមួយចំនួនបាននិងកំពុងដោះស្រាយមិនចេញនៅឡើយទេ ដោយសារការស្រេកឃ្លានអំណាច និងអនុវត្តផែនការ ប្តូរ ៗៗ ។ ប៉ុន្តែ សព្វថ្ងៃពិតជាផ្លាស់ប្តូរមែន គឺបណ្តាប្រទេសទាំងនោះ បានប្តូរពីភាពសប្បាយរីករាយ មកទុក្ខវេទនា ព្រាត់ប្រាសនិរាស្ត្រ ឈឺចាប់ខ្លោចផ្សា បានប្តូរពីប្រទេសអភិវឌ្ឍរីកចម្រើន មកអគារបាក់បែក ឃើញតែគំនរផេះផង់ ទីរហោស្ថានដោយសារគ្រប់ផ្លោង។ មនុស្សមានកាយសម្បទាពេញលេញ មកជាជនពិកា( នេះហើយជាគោលបំណងដ៏ពិសិដ្ឋដែលលោក សម រង្ស៊ី និងលោក កឹម សុខា ដែលតែងតែនឹកស្រមៃចង់បានសម្រាប់ផែនការផ្លាស់ប្តូររបស់ពួកគាត់នៅកម្ពុជា)។
ពេលនេះ យើងខ្ញុំសូមអរគុណសម្តេច ហ៊ុន សែន ដោយស្មោះ និងសូមដឹងគុណអស់មួយជីវិតរកអ្វីប្រៀបផ្ទឹមមិនបានឲ្យស័ក្តិសមទៅនឹងការតស៊ូ លះបង់របស់សម្តេច និងយុទ្ធមិត្តរួមអាវុធ ក៏ដូចជាថ្នាក់ដឹកនាំ និងសមាជិកអ្នកគាំទ្របក្សប្រជាជនកម្ពុជាជាច្រើនរូបទៀត ដែលបានរំដោះជីវិតខ្មែរចេញពីរបបបនប្រល័យពូជសាសន៍ប៉ុល ពត ហើយចុងក្រោយនេះ បានរំដោះខ្មែរចេញពីមនោគមវិជ្ជាដ៏ឆ្កួតលីលារបស់ទណ្ឌិត សម រង្ស៊ីនិង លោក កឹម សុខា ធ្វើឲ្យពលរដ្ឋខ្មែរបានសុខ និងកំពុងរស់នៅជាមួយសន្តិភាពនេះដ៏យូរអង្វែងទៅមុខទៀត។
សន្តិភាពយើងមានហើយ ប៉ុន្តែអ្វីដែលគួរឲ្យសោកស្តាយ ហើយស្តាយជាទីបំផុតនោះ គឺស្តាយកូនជនក្បត់ជាតិ ដែលកើតមកជាខ្មែរដែរ តែមិនព្រមភ្ញាក់កំណើត មិនព្រមដឹងកំហុស មិនព្រមកែខ្លួន បែរជាពួកគេនៅចិញ្ចឹមចិត្តបំផ្លាញកម្ពុជាម្តងហើយម្តងទៀតតាមរយៈរបស់ដែលហៅថា ចលនាសង្គ្រោះជាតិ តាមរបៀបពួកក្រុមឧទ្ទាម ឬក្រុមជនភេរវកម្ម។ ត្រង់ន័យនេះ យើងខ្ញុំសូមប្រកាសជំហរគាំទ្រនូវរាល់វិធានការផ្លូវច្បាប់ដ៏តឹងរឹងបំផុតរបស់រាជរដ្ឋាភិបាល គឺត្រូវតែអនុវត្តឲ្យធ្ងន់ធ្ងរទៅលើជនទាំងឡាយណាដែលបៀតបៀនភាពសុខសាន្តរបស់ពលរដ្ឋខ្មែរ សូមឲ្យវិនាសខ្ចាត់ខ្ចាយ និងទទួលទោសឲ្យសមនឹងទង្វើដែលពួកគេបានប្រព្រឹត្ត។
មុននឹងបញ្ចប់ ខ្ញុំសូមទាញអារម្មណ៍មិត្តអ្នកអាន មកមើលរូបថត សម រង្ស៊ី កូនជនក្បត់ជាតិមួយសន្លឹកនេះ សម្រាប់ឲ្យខ្មែរចងចាំទុកថា បើគ្រាន់តែហូបពងមាន់ក៏ជននេះល្ងង់ខ្លៅ ដប់គត់ដែរ តើជននេះ សមនឹងដឹកនាំប្រទេសកម្ពុជាដែរឬទេ? ចុះបញ្ញាវន្តខ្មែរ និងប្រជាពលរដ្ឋសាមញ្ញជាទូទៅ សុខចិត្តឲ្យកូនជនក្បត់ជាតិរូបនេះ ធ្វើជាមនុស្សគម្រូបានទេ បើគាត់មានតែមហិច្ឆតា ស្រេកឃ្លានតែអំណាចរហូតឡប់សតិអស់ទៅហើយបែបនេះ? តើអស់លោកអ្នកសុខចិត្តឲ្យជនឡប់សតិ សម រង្ស៊ី កាន់ចង្កួតកម្ពុជាទៅរកមាត់ជ្រោះមរណៈដែរឬទេ?
ល្មមដល់ពេលដែលអ្នកធ្លាប់ដើរតាម គាំទ្រចេះប្រើខួរក្បាលឲ្យឆ្លាតវៃ ពិចារណាដោយហេតុផលឲ្យច្បាស់លាស់ កុំលង់នឹងការប្រឆាំងដ៏ងងឹតងងុល រហូតដល់ថ្នាក់បណ្តែតបណ្តោយឲ្យមនុស្សឆ្កួតឡប់សតិអូសទាញបានឲ្យសោះ។ សូមគិតពីអនាគតដ៏វែងឆ្ងាយរបស់អស់លោកអ្នក ក្នុងន័យថា បើចង់បានអនាគតល្អ គឺត្រូវខំប្រឹងធ្វើការងារ រកទទួលទាន កុំចាញ់ឧបាយកលគេអូសទាញឲ្យចូលរួមក្នុងសកម្មភាពខុសច្បាប់ឲ្យសោះ ផ្ទុយទៅវិញត្រូវចូលរួមថែរក្សាសុខសន្តិភាពនេះឲ្យបានយូរអង្វែង គឺក្នុងន័យថា មិនដែលប្រទេសជាតិមានសង្គ្រាមយើងគ្រប់គ្នាបានសុខនោះទេ៕
ដោយ៖ ប៉ែន វិភាគ
