ប្រាសាទថ្មសំលៀង ឬប្រាសាទសំលៀងពល ដែលមិនសូវមានអ្នកណាស្គាល់!
ប្រាសាទថ្មសំលៀង ឬប្រាសាទសំលៀងពល ដែលមិនសូវមានអ្នកណាស្គាល់!
ប្រាសាទថ្មសំលៀង ឬប្រាសាទសំលៀងពលនេះ មានទីតាំងស្ថិតនៅលើតំបន់កូនភ្នំប្រាសាទថ្មសំលៀង ក្នុងភូមិដូនឯម ឃុំគោកដូង ស្រុកអង្គរជុំ ខេត្តសៀមរាប ដែលមានចម្ងាយពីសាលាស្រុកអង្គរជុំ ប្រមាណ ៣០ គីឡូម៉ែត្រ។ វាមិនត្រឹមតែជាប្រាសាទមួយ ដែលមិន៊ទាន់មាននៅក្នុងបញ្ជីរបស់អាជ្ញាធរអប្សរាប៉ុណ្ណោះទេ ប៉ុន្តែវាក៏ជាប្រាសាទមួយដែលមិនសូវមានអ្នកស្គាល់ ឬចង់ទៅទស្សនាកម្សាន្តឡើយ។ ប្រហែលជាកត្តាទាំង២ ខាងលើនេះហើយ ទើបបានជាប្រាសាទថ្មសំលៀងនេះ នៅតែស្ថិតក្នុងព្រៃក្រាស់ និងហ៊ុមព័ទ្ធដោយព្រៃឫស្សីយ៉ាងក្រាស់ យ៉ាងស្ងាត់ជ្រងំរហូតមកដល់សព្វថ្ងៃបែបនេះ។
តាមពិតទៅប្រាសាទសាងអំពីឥដ្ឋ ដែលមានសភាពទ្រឌទ្រោមខ្លាំងនេះ គឺពុំទាន់មានឈ្មោះហៅជាផ្លូវការច្បាស់លាស់នោះទេថា វាស្ថិតនៅក្នុងបញ្ជីក្រុមនៃប្រាសាទអ្វី ហើយជាសមិទ្ធផលក្នុងរជ្ជកាលស្តេចអង្គណា និងសង់ឡើងនៅឆ្នាំណានៅឡើយ មកដល់ពេលនេះ ប៉ុន្តែដូនតាអ្នកស្រុកអង្គរជុំបានហៅតៗគ្នាមកមានឈ្មោះថា «ប្រាសាទភ្នំថ្មសំលៀង ឬប្រាសាទសំលៀងពល» ហើយទំនងជាស្ថិតនៅក្នុងតំបន់ប្រាសាទនៅមុនសម័យអង្គរ ពីព្រោះគេឃើញមានតួប្រាសាទដែលនៅសេសសល់គឺត្រូវបានសាងសង់អំពីឥដ្ឋ។
អត្ថបទពី៖ ទី សារឿន
- ការធ្វើដំណើររបស់ក្រុមទេសចរខ្មែរកាត់តាមវាល និងដើររុកព្រៃឬស្សីឆ្ពោះឡើងទៅលើតំបន់កូនភ្នំប្រាសាទថ្មសំលៀង កាលពីខែមករា ឆ្នាំ២០១៧
រូបភាពពី ៖ ក្រុមទេសចរខ្មែរ-Khmer Tourist
