រង់ចាំទស្សនាទាំងអស់គ្នា U15កម្ពុជា ប៉ះ U15 ហ្វីលីពីន ម៉ោង៣:៣០នាទីរសៀលនេះ
រង់ចាំទស្សនាទាំងអស់គ្នា U15កម្ពុជា ប៉ះ U15 ហ្វីលីពីន ម៉ោង៣:៣០នាទីរសៀលនេះ
ក្រោយចាញ់ក្រុម U15 វៀតណាមដោយលទ្ធផលប្រផុតប្រផើយបំផុត ក្រុម U15 ជម្រើសជាតិកម្ពុជាត្រូវប៉ះ U15 ហ្វីលីពក្នុងការប្រកួតលើកទី២វគ្គសន្សំពិន្ទុពូល A នៃពានរង្វាន់យុវជនអាស៊ានអាយុក្រោម១៥ឆ្នាំ។
ក្រុម U15 កម្ពុជា ពី សហព័ន្ធបាល់ទាត់កម្ពុជា
ការប្រកួតបើកឆាកលើកទី១របស់យុវជនកម្ពុជាបានចាញ់យុវជនវៀតណាម ១-០ ដែលគ្រាប់បាល់ជ័យជម្នះរបស់វៀតណាមរកបានតាមរយៈការស៊ុតពិន័យ១១ម៉ែត្រនៅនាទីទី៣៦ដោយកីឡាករ Trung។ ចំណែកការប្រកួតទី១របស់យុវជនហ្វីលីពីនទទួលរងបរាជ័យធ្ងន់ធ្ងរជាងគេដោយត្រូវបានយុវជនឥណ្ឌូណេស៊ីលត់រហូតដល់៨-០។ នៅពូលជាមួយគ្នានេះដែរ យុវជនមីយ៉ាន់ម៉ាបានយកឈ្នះយុវជនទីម័រខាងកើតដោយលទ្ធផល ៣-២ តាមរយៈការប្រកួតលើកទី១ដូច្នេះបង្ហាញឲ្យឃើញថា ការប្រកួតលើកទី២នេះ ក្រុមយុវជនកម្ពុជាមានភាគរយខ្ពស់ក្នុងការយកឈ្នះយុវជនហ្វីលីពីន។ ថ្ងៃនេះដែរ យុវជនទីម័រខាងកើតជួបយុវជនវៀតណាម ហើយយុវជនមីយ៉ាន់ម៉ាប៉ះក្រុមយុវជនខ្លាំងឥណ្ឌូណេស៊ី។
កម្មវិធីប្រកួតថ្ងៃនេះ
- វៀតណាម vs ទីម័រខាងកើត ម៉ោង៣:៣០នាទីរសៀល
- កម្ពុជា vs ហ្វីលីពីន ម៉ោង ៣:៣០នាទីរសៀល
- មីយ៉ាន់ម៉ា vs ឥណ្ឌូណេស៊ី ម៉ោង៧យប់
តារាងពិន្ទុពូល A
- ឥណ្ឌូណេស៊ី មាន៣ពិន្ទុ
- មីយ៉ាន់ម៉ា មាន៣ពិន្ទុ
- វៀតណាម មាន៣ពិន្ទុ
- ទីម័រខាងកើត មានសូន្យពិន្ទុ
- កម្ពុជា មានសូន្យពិន្ទុ
- ហ្វីលីពីន មានសូន្យពិន្ទុ
ប្រភព៖ Sabay
