Ivan Rakitic ថាបើក្រូអាតឈ្នះពាន World Cup ខ្លួននឹងធ្វើរឿងមួយដាក់លើថ្ងាស់
Ivan Rakitic ថាបើក្រូអាតឈ្នះពាន World Cup ខ្លួននឹងធ្វើរឿងមួយដាក់លើថ្ងាស់
Ivan Rakitic បានបង្ហើបថាខ្លួននឹងសាក់លើថ្ងាសទុកជាអនុស្សាវរីយ៍បើក្រូអាតឈ្នះបារាំង ហើយលើកពាន World Cup នៅថ្ងៃនេះ។
ក្រូអាតបានបង្កើតប្រវត្តិសាស្ត្រឡើងវគ្គផ្ដាច់ព្រ័ត្រ World Cup លើកដំបូងក្រោយយកឈ្នះអង់គ្លេស ២ទល់នឹង១ នៅវគ្គពាក់កណ្ដាលផ្ដាច់ព្រ័ត្រដោយប្រើពេលរហូត ១២០នាទី។ យ៉ាងណាមហិច្ឆតារបស់ក្រុមមួយនេះមិនទាន់ចប់នៅឡើយទេគឺចង់ឈ្នះពានតែម្ដងសម្រាប់ប្រជាជនរបស់ពួកគេ។
ឆ្លើយតបចំពោះមុខអ្នកសារព័ត៌មានថា តើរូបគេមានផែនការសាក់នៅត្រង់ណាឬអត់ បើសិន ក្រូអាតអាចសាងប្រវត្តិសាស្ត្រឈ្នះពានបានមែន Rakitic បានឆ្លើយថា “មាន” គឺនៅលើថ្ងាស។ “ខ្ញុំចង់សាក់នៅលើថ្ងាស ព្រោះដូចអ្នកឃើញស្រាប់ ថ្ងាសរបស់ខ្ញុំ គឺទូលាយ ប៉ុន្តែខ្ញុំក៏ត្រូវសុំការអនុញ្ញាតពីប្រពន្ធដែរ ថានាងព្រមឬអត់”។
Rakitic គឺជាកម្លាំងសំខាន់ក្នុងដំណើរឆ្ពោះមកវគ្គផ្ដាច់ព្រ័ត្ររបស់ក្រុមលោក Zlatko Dalic ជាមួយដៃគូម្នាក់ទៀតគឺ Luka Modric។ មុនដល់វគ្គនេះក្រូអាតបានទម្លាក់ ដាណឺម៉ាក និង រុស្ស៊ីដោយបាល់ប៉េណាល់ទី ហើយឈ្នះអង់គ្លេស ២-១ នៅវគ្គ Extra Time៕
