FIFA បង្ហាញឈ្មោះកីឡាករទាំង១០ ដែលត្រូវយកម្នាក់ដើម្បីឈ្នះបានពានកីឡាករល្អជាងគេលើលោក
FIFA បង្ហាញឈ្មោះកីឡាករទាំង១០ ដែលត្រូវយកម្នាក់ដើម្បីឈ្នះបានពានកីឡាករល្អជាងគេលើលោក
បញ្ជីឈ្មោះកីឡាករ១០រូបប្រជែងពានកីឡាករល្អផ្ដាច់គេលើលោកផ្នែកបុរសរបស់ FIFA (FIFA’s The Best award) បានប្រកាសហើយកាលពីថ្ងៃម្សិលមិញ។
កីឡាករទាំង១០នាក់នោះមានដូចជា
១) Cristiano Ronaldo
២) Kevin de Bruyne
៣) Antoine Griezmann
៤) Eden Hazard
៥) Harry Kane
៦) Kylian Mbappe
៧) Lionel Messi
៨) Luka Modric
៩) Mohamed Salah
១០) Raphael Varane
កីឡាករទាំង១០នាក់នេះមកពីក្របខ័ណ្ឌកំពូល៤គឺ អង់គ្លេស អេស្ប៉ាញ អ៉ីតាលី និងបារាំង។
ចាប់អារម្មណ៍បេក្ខភាពទាំង១០រូបចុងក្រោយលើកនេះគ្មាន Neymar ទេដោយសារកីឡាករសញ្ជាតិប្រេស៊ីលចំណាយពេលភាគច្រើនសម្រាកព្យាបាលរបួសកាលពីរដូវកាលមុន ហើយជាមួយជម្រើសជាតិទៀតសោតក៏ Neymar មិនអាចជួយប្រេស៊ីលឆ្លងផុតវគ្គ៨ក្រុមចុងក្រោយ World Cup ដែរ។
Ronaldo ដែលឈ្នះ FIFA’s The Best award ២ដងជាមួយ Real នៅឆ្នាំ២០១៦ និង២០១៧ អាចឈ្នះជាលើកទី៣ក្នុងនាមជាកីឡាករ Juventus ក្រោយលើកពាន Champions League កាលពីរដូវកាលមុន។ Messi ម្ចាស់ស្បែកជើងមាសនៅលីគអេស្ប៉ាញ ក៏មិនអាចមើលរំលងបាន ខណៈ Griezmann ជាជយលាភី World Cup និង Europa League ជាមួយបារាំង និង Atletico ក៏អាចឈ្នះវាដូចគ្នា។
Mbappe, Salah, Kane, Varane និង Hazard មានឈ្មោះក្នុងបញ្ជី១០នាក់ចុងក្រោយលើកដំបូងក្នុងអាជីព តែហាក់ចាញ់ប្រៀបកីឡាករមួយចំនួនខាងលើសម្រាប់ការប្រជែង FIFA’s The Best award៕
