ក្រោយពីគម្រោងសាងសង់ប្រាសាទអង្គរវត្តចម្លងមិនបានសម្រេច ឥណ្ឌាបានបង្កើតមហិចតាថ្មីមួយដោយការសាងសង់ភូមិគ្រឹះសាសនាមួយដ៏ធំជាងគេនៅលើលោក
ក្រោយពីគម្រោងសាងសង់ប្រាសាទអង្គរវត្តចម្លងមិនបានសម្រេច ឥណ្ឌាបានបង្កើតមហិចតាថ្មីមួយដោយការសាងសង់ភូមិគ្រឹះសាសនាមួយដ៏ធំជាងគេនៅលើលោក
បន្ទាប់ពីទទួលបានការបដិសេធពីកម្ពុជា មិនឲ្យសាងសង់អង្គរវត្តចម្លង ប្រទេសឥណ្ឌា បានបង្កើតមហិចតាថ្មីមួយដោយ ការសាងសង់ភូមិគ្រឹះសាសនា មួយដ៏ធំជាងគេ នៅលើ លោក ហើយក៏ដើម្បីបង្កើនភាពស្រស់ស្អាតក៏ដូចជាមទោនភាពថ្មីនៅលើដែនដីឥណ្ឌាផងដែរ។
សំណង់ប្រាសាទបែបសាសនាខ្ពស់ជាងគេបំផុតលើលោកជាថ្មី នឹងបង្ហាញខ្លួននៅប៉ុន្មានឆ្នាំខាងមុខហើយ ដោយបច្ចុប្បន្នកំពុងស្ថិតក្រោមការសាងសង់។
ប្រាសាទសាសនាហិណ្ឌូនេះ នឹងមានកម្ពស់ ៧០០ហ្វីត ឬ ២១៣ម៉ែត្រ ស្ថិតនៅរដ្ឋ Uttar Pradesh ប្រទេសឥណ្ឌា។
ការរចនាម៉ូតធ្វើដោយក្រុមហ៊ុនឥណ្ឌា Indian Firm InGenious Studio ដោយដាក់ឈ្មោះថា ប្រាសាទ Vrindavan Chandrodaya Mandirដែលនឹងវ៉ាដាច់វិហារគ្រិស្ដ Ulm Minster របស់អាល្លឺម៉ង់ (កម្ពស់ ៥៣០ហ្វីត)។ បើនិយាយពីគ្រឹះប្រាសាទ មានជម្រៅ៥៤ម៉ែត្រទៅក្រោម និងបង្គោល ៥១១ជួរ។
ប្រាសាទដែលមានសមត្ថភាពទប់ទល់រញ្ជួយដីនេះ នឹងមានកម្ពស់ ៧០ជាន់ បំពាក់ទៅដោយគ្រឿងបរិក្ខារបែបវប្បធម៌ និងសាសនាចម្រុះគ្នា ព្រមទាំងមានសួនកម្សាន្ត កន្លែងចតរថយន្ត កន្លែងមើលការបង្កើតគំនូរជីវចល ភ្លើងពណ៌ កន្លែងបង្ហាញ Show ជាច្រើនប្រភេទទៀត។
ប្រាសាទ Vrindavan Chandrodaya Mandir សង់ឡើងសម្រាប់ឧទ្ទិសដល់ព្រះនៃសាសនាហិណ្ឌូ Sri Krishna ដែលក្នុងគម្ពីរបញ្ជាក់ថាព្រះអង្គប្រសូតឡើងនៅបរិវេណនេះ។
មួយវិញទៀត នៅជុំវិញប្រាសាទឆ្ងាយបន្តិច គេសង់អគារលំនៅឋានជាច្រើនសម្រាប់លក់ ឯទឹកប្រាក់សម្រាប់សាងសង់ប្រភពមិនបានបញ្ជាក់ថានឹងចំណាយអស់ប៉ុន្មាននោះទេ។
ប្រភពពី៖ Houn Bonthorn
