ក្តៅៗ! ក្រុមបាល់ទាត់ជម្រើសជាតិអេស្ប៉ាញ បានរកឃើញគ្រូបង្វឹកថ្មីហើយ
ក្តៅៗ! ក្រុមបាល់ទាត់ជម្រើសជាតិអេស្ប៉ាញ បានរកឃើញគ្រូបង្វឹកថ្មីហើយអម្បាញ់មិញនេះ គ្រូបង្វឹកថ្មីរបស់អេស្ប៉ាញត្រូវបានរកឃើញហើយ។
បើតាមការចុះផ្សាយរបស់សារព័ត៌មានល្បីឈ្មោះ Marca សហព័ន្ធបាល់ទាត់អេស្ប៉ាញ បានសម្រេចតែងតាំងលោក Luis Enrique ធ្វើជាគ្រូបង្វឹកថ្មីក្រុមជម្រើសជាតិ។
ការតែងតាំងធ្វើឡើងមួយថ្ងៃក្រោយ គ្រូបង្វឹក Fernando Hierro បានលាលែងពីតំណែង។ ក្រុមជម្រើសជាតិអេស្ប៉ាញ បានធ្លាក់ត្រឹមវគ្គ ១៦ ក្រុម ក្នុង World Cup ២០១៨ បន្ទាប់ពីចាញ់ម្ចាស់ផ្ទះរុស្ស៊ីក្នុងវគ្គកាត់សេចក្ដីទាត់បាល់ពិន័យ ១១ ម៉ែត្រ។
នេះជាតំណែងទីមួយហើយ របស់លោក Enrique គិតតាំងពីឆ្នាំ ២០១៧ ក្រោយលោកបានចាកចេញពីតួនាទីអ្នកចាត់ការក្លឹប Barcelona បន្ទាប់ពីដឹកនាំតាំងពីឆ្នាំ ២០១៤ មក។ ក្នុងអំឡុងពេលដឹកនាំក្លឹបអ្នកមានបុណ្យ លោកបានឈ្នះលីគកំពូលអេស្ប៉ាញចំនួន ២ លើក Copa Del Rey ៣ លើក Champions League ១ លើក និងពានមួយចំនួនទៀត៕
