តើនរណាជាចោរប្លន់ពិតប្រាកដ?

ដោយ៖ លី វិទ្យា​​ | ថ្ងៃចន្ទ ទី២ ខែកក្កដា ឆ្នាំ២០១៨​ | នគរគំនិត | 0 |
តើនរណាជាចោរប្លន់ពិតប្រាកដ? តើនរណាជាចោរប្លន់ពិតប្រាកដ?

ពេលដែលចោរប្លន់ធនាគារមួយនៅបរទេសនៃប្រទេស «សុំលាក់» ក្រុមចោរបានចូលមកហើយស្រែកថា ក្រាបចុះ! លុយជារបស់រដ្ឋ ជីវិតជារបស់អ្នក! ពេលនោះ មនុស្សទាំងអស់បានក្រាបចុះយ៉ាងស្ងៀមស្ងាត់។

នេះហៅថា ចេះផ្លាស់ប្តូរគំនិតតាមកាលៈទេសៈ

បន្ទាប់មកទៀត ចោរបានឃើញនារីម្នាក់ដេកលើតុ ក្នុងអាកប្បកិរិយាមិនសមរម្យ ពេលនោះចោរក៏ប្រាប់នាងថា សូមមេត្តាធ្វើខ្លួនឲ្យថ្លៃថ្នូរបន្តិចខ្លួនជាស្រីក្រមុំ ព្រោះនេះជាករណីចោរប្លន់ មិនមែន ចង់មកចាប់រំលោភទេ។

នេះហៅថាមានវិជ្ជាជីវៈត្រឹមត្រូវ។ មិនធ្វើអ្វីដែលមិនមែនជាការងាររបស់ខ្លួន

ពេលដែលក្រុមចោរមកដល់ផ្ទះ ចោរម្នាក់ដែលរៀនចប់អនុបណ្ឌិត បានសួរទៅកាន់ចោរម្នាក់ទៀតដែល រៀនបានត្រឹមថ្នាក់ទីបួនថា៖

“តោះរាប់លុយ! តើយើងប្លន់បានប៉ុន្មាន?”

ពេលនោះចោរដែលរៀនថ្នាក់ទី៤ បានឆ្លើយថា៖

“កុំល្ងង់ពេក! បើលុយច្រើនយ៉ាងៗនេះចាំបាច់រាប់ធ្វើអី? ចាំមើលទូរទស្សន៏ទៅបើគេប្រាប់ ថាប្លន់បានប៉ុន្មាន ប៉ុណ្ណឹងហើយ !!”

នេះហៅថា បទពិសោធន៏! សព្វថ្ងៃនេះបទពិសោធន៏ មានប្រយោជន៏ជាងសញ្ញាបត្រ័ ដែលត្រឹមតែជាក្រដាស់មួយសន្លឹក

បន្ទាប់មកប្រធានធនាគារបានប្រាប់ Manager ឲ្យប្តឹងប៉ូលីសភ្លាមៗ ប៉ុន្តែបានប្រាប់ Manager នោះថា
យើងយក៨០លានទុកចាយទៅ ហើយប្រាប់ប៉ូលីសថាបាត់អស់លុយ ១០០លាន។

នេះហៅថា រុញទូកបណ្តោយទឹក! បើជ្រុលជាគេប្លន់ហើយ យកថែមខ្លះទៅ

ពេលនោះប្រធានធនាគារបាននិយាយថា “ប្រសិនបើមានចោរប្លន់ រាល់ខែមិនដឹង ជាល្អយ៉ាងណា?”

នេះហៅថាវិធីប្លែកៗក្នុងការបំបាត់ការអផ្សុក។ យកសេចក្តីសុខខ្លួន មកអង្គុយលើ ទឹកភ្នែកអ្នកដ៏ទៃ។

នៅព្រឹកបន្ទាប់ ទូរទស្សន៏ក៏បានប្រកាសថា ធនាគារបានបាត់ទឹកប្រាក់ចំនួន ១០០លាន។ ពេលនោះពួកចោរក៏បានរាប់លុយ ហើយរាប់ទៀត តែរាប់បានតែ ២០លានតែប៉ុណ្ណោះ។ ពេលនោះចោរខឹងយ៉ាងខ្លាំង ហើយក៏បាននិយាយថា៖

“ពួកយើងប្តូរ ជីវិត តែយកបានតែ២០លាន។ ប្រធានធនាគារកាន់តែចុងប៊ិច យកបានដល់ទៅ ៨០លាន។ មើលទៅមានចំណោះដឹង គឺសាហាវជាងធ្វើចោរទៀត”។

នោះហៅថា ចំណេះវិជ្ជាជាមាសប្រាក់។

ពេលនោះប្រធានធនាគារ សប្បាយចិត្តយ៉ាងខ្លាំង ព្រោះគាត់បានប្រាក់យ៉ាងច្រើន ទៅសងបំណុលដែលជំពាក់គេ។

នេះហៅថា ចេះប្រើប្រាស់ឳកាស និង ហ៊ានប្រថុយនឹងគ្រោះថ្នាក់។

សំនួរសួរថា

តើនរណាជាចោរប្លន់ពិតប្រាកដ?

អត្ថបទ៖ Kong Vimean អភិបាលរងខេត្តព្រះវិហារ

បញ្ចេញមតិ
ពាក្យគន្លឹះទាក់ទង