ក្រសួងសុខាភិបាល បន្តរកឃើញអ្នកឆ្លងកូវីដ-១៩ ថ្មីចំនួន ៦១៦នាក់ទៀត ខណៈអ្នកជំងឺជាសះស្បើយចំនួន ១៩០នាក់
ក្រសួងសុខាភិបាល បន្តរកឃើញអ្នកឆ្លងកូវីដ-១៩ ថ្មីចំនួន ៦១៦នាក់ទៀត ខណៈអ្នកជំងឺជាសះស្បើយចំនួន ១៩០នាក់
ក្រសួងសុខាភិបាល នៅថ្ងៃទី២៥ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ-១៩ ថ្មីចំនួន ៦១៦នាក់ថែមទៀត ខណៈអ្នកជំងឺចំនួន ១៩០នាក់បានជាសះស្បើយ។
ក្រសួងសុខាភិបាល បានបញ្ជាក់ថា អ្នកឆ្លងទាំង ៦១៦នាក់ មាន ២នាក់នោះគឺសុទ្ធសឹងតែជាករណីឆ្លងក្នុងសហគមន៍២០កុម្ភៈ ដែលរួមមាន៖
- រាជធានីភ្នំពេញចំនួន ៥៤៦នាក់
- ខេត្តកណ្តាល ចំនួន ២៤នាក់
- ខេត្តព្រះសីហនុចំនួន ២០នាក់
- ខេត្តព្រៃវែងចំនួន ០៨នាក់
- ខេត្តតាកែវចំនួន ០៧នាក់
- ខេត្តមណ្ឌលគីរីចំនួន ០២នាក់
- ខេត្តស្វាយរៀងចំនួន ០២នាក់
- ខេត្តកំពង់ឆ្នាំងចំនួន ០២នាក់
- ខេត្តកំពង់ធំចំនួន ០២នាក់
- ខេត្តកោះកុងចំនួន ០២នាក់
- ខេត្តកំពង់ស្ពឺចំនួន ០១នាក់
សម្រាប់អ្នកជាសះស្បើយទាំង ១៩០នាក់វិញ មាន ១៨៩នាក់ជាអ្នកឆ្លងក្នុងសហគមន៍ នៃព្រឹត្តិការណ៍២០កុម្ភៈ និង ១នាក់ជាពលករដែលឆ្លងមកពីប្រទេសថៃ ដោយទទួលទ្ធផលធ្វើតេស្តអវិជ្ជមាន២លើក ត្រូវបានអនុញ្ញាតឲ្យចេញពីមន្ទីរពេទ្យ ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។
សូមជម្រាបថា គិតត្រឹមម៉ោង ៧ព្រឹក ថ្ងៃទី២៥ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ៩៩៧៥នាក់ ក្នុងនោះករណីសហគមន៍២០កុម្ភៈ ចំនួន ៩៤២៦នាក់, អ្នកជាសះស្បើយចំនួន ៣៤០០នាក់, អ្នកកំពុងសម្រាកព្យាបាលចំនួន ៦៤៩៥នាក់, អ្នកស្លាប់ចំនួន ៧៤នាក់៕
