ប្រទេសចិនងាកមកប្រើការទូតផ្លែទុរេន ដើម្បីជំរុញទំនាក់ទំនងជាមួយអាស៊ីអាគ្នេយ៍
ផ្លែទុរេនបានឈានជើងចូលមកក្នុងឆាកនៃការប្រយុទ្ធដ៏ទាក់ទាញបំផុតចុងក្រោយរបស់ចិនចំពោះតំបន់អាស៊ីអាគ្នេយ៍ ខណៈដែលទីក្រុងប៉េកាំងបានសន្យាថា នឹងនាំចូលផ្លែឈើប្រភេទនេះឱ្យបានកាន់តែច្រើនពីប្រទេសជិតខាងខ្លួន ក្នុងកិច្ចខិតខំប្រឹងប្រែងដើម្បីពង្រឹងទំនាក់ទំនងរបស់ខ្លួនជាមួយតំបន់ដ៏មានសារៈសំខាន់ជាយុទ្ធសាស្ត្រមួយនេះ នៅចំពេលមានការប្រកួតប្រជែងកាន់តែខ្លាំងជាមួយសហរដ្ឋអាមេរិក។ ផ្លែទុរេនត្រូវបានលើកឡើងជាពិសេសដោយរដ្ឋមន្ត្រីការបរទេសចិន លោក Wang Yi នៅអំឡុងដំណើរទស្សនកិច្ចរបស់លោកនាពេលថ្មីៗនេះទៅកាន់ទីក្រុងគូឡាឡាំពួ។
