ខ្មែរប៉ុស្ដិ៍ Close

មកស្វែងយល់ប្រវត្តិរូបសង្ខេបរបស់ប្រធានាធិបតីទីម័រខាងកើត លោក Jose Ramos-Horta ដែលកំពុងបំពេញទស្សនកិច្ចនៅកម្ពុជា

ដោយ៖ លី វិទ្យា ​​ | ថ្ងៃពុធ ទី១៩ ខែតុលា ឆ្នាំ២០២២ ព័ត៌មានទូទៅ 1190
មកស្វែងយល់ប្រវត្តិរូបសង្ខេបរបស់ប្រធានាធិបតីទីម័រខាងកើត លោក Jose Ramos-Horta ដែលកំពុងបំពេញទស្សនកិច្ចនៅកម្ពុជាមកស្វែងយល់ប្រវត្តិរូបសង្ខេបរបស់ប្រធានាធិបតីទីម័រខាងកើត លោក Jose Ramos-Horta ដែលកំពុងបំពេញទស្សនកិច្ចនៅកម្ពុជា

ប្រធានាធិបតីនៃប្រទេសទីម័រខាងកើត លោក ហូសេ រ៉ាម៉ូស ហ័រតា (Jose Ramos-Horta) បាននឹងបំពេញទស្សនកិច្ចមកកាន់ប្រទេសកម្ពុជា នៅថ្ងៃទី១៩ ខែតុលានេះ។ លោក Ramos-Horta មានអាយុ ៧២ឆ្នាំ បានស្បថចូលកាន់តំណែងជាប្រធានាធិបតីទ័ម័រខាងកើត កាលពីខែឧសភាកន្លងទៅ បន្ទាប់ពីទទួលបានជ័យជម្នះក្នុងការបោះឆ្នោតប្រធានាធិបតី កាលពីខែមេសា។

ខាងក្រោមនេះគឺជាប្រវត្តិរូបសង្ខេបរបស់លោក Ramos-Horta៖

លោក ហូសេ រ៉ាម៉ូស ហ័រតា (Jose Ramos-Horta) កើតនៅឆ្នាំ១៩៤៩ ក្នុងរដ្ឋធានីឌីលី (Dili) នៃប្រទេសទ័ម័រខាងកើត ដោយមានម្ដាយជាជនជាតិទីម័រ និងឪពុកជាជនជាតិព័រទុយហ្កាល់។

នៅដើមទសវត្សរ៍ឆ្នាំ១៩៧០ លោក Ramos-Horta បានចាប់ផ្ដើមដឹកនាំចលនាតស៊ូទាមទារឯករាជ្យពីព័រទុយហ្កាល់ ហើយ នៅពេលនោះលោកត្រូវបានគេបង្ខំឱ្យនិរទេសខ្លួន ទៅកាន់ប្រទេសម៉ូសំប៊ិកពីឆ្នាំ១៩៧០ ដល់ឆ្នាំ១៩៧១ ដោយសារតែការដឹកនាំសកម្មភាពប្រឆាំងនឹង អាណានិគមព័រទុយហ្កាល់។ លោកបានត្រឡប់មកកាន់ប្រទេសទីម័រខាងកើតវិញ ហើយអាណានិគមព័រទុយហ្កាល់បានបិទបញ្ចប់នៅឆ្នាំ១៩៧៥ ដោយបន្សល់ ទុកជម្លោះផ្ទៃក្នុងរវាងគូប្រជែងជាច្រើនបក្ស ដែលមានមួយផ្នែកធំគាំទ្រដោយឥណ្ឌូណេស៊ី។

ប្រទេសឥណ្ឌូណេស៊ីបានគ្រប់គ្រងប្រទេសទីម័រខាងកើតរហូតដល់ ឆ្នាំ២០០២ ទើបប្រទេសទីម័រខាងកើតប្រកាសឯករាជ្យទាំងស្រុង។

លោក Ramos-Horta ទទួលបានជ័យលាភីពានរង្វាន់ណូប៊ែលសន្តិភាពនៅឆ្នាំ១៩៩៦។ លោក Ramos-Horta ធ្លាប់កាន់តំណែងជារដ្ឋមន្ត្រីការបរទេសទីម័រ ខាងកើតពីឆ្នាំ២០០២ ដល់ឆ្នាំ២០០៦។ កាន់តំណែងជានាយករដ្ឋមន្ត្រីពីឆ្នាំ២០០៦ ដល់ឆ្នាំ២០០៧ និងប្រធានាធិបតីពីឆ្នាំ២០០៧ ដល់ឆ្នាំ២០១២ ហើយ ជាប់ឆ្នោតជាប្រធានាធិបតីទីម័រខាងកើតម្ដងទៀតក្នុងឆ្នាំ២០២២នេះ៕

Fresh News

អត្ថបទទាក់ទង