ខ្មែរប៉ុស្ដិ៍ Close

ឯកឧត្តម​ ស្វាយ​ ស៊ីថា​ ចេញសេចក្តីថ្លែងការណ៍គាំទ្រចំពោះការប្រកាសដាក់ចេញនូវគោលការណ៍ដ៏ម៉ឺងមាត់និងដាច់ខាតបំផុតរបស់សម្តេចតេជោក្នុងការកំចាត់ចោលនូវមនោគមវិជ្ជាជ្រុលនិយមរបស់ពូជជនក្បត់ជាតិ ៣ជំនាន់!

ដោយ៖ លី វិទ្យា ​​ | ថ្ងៃចន្ទ ទី១៧ ខែតុលា ឆ្នាំ២០២២ ព័ត៌មានទូទៅ 1225
ឯកឧត្តម​ ស្វាយ​ ស៊ីថា​ ចេញសេចក្តីថ្លែងការណ៍គាំទ្រចំពោះការប្រកាសដាក់ចេញនូវគោលការណ៍ដ៏ម៉ឺងមាត់និងដាច់ខាតបំផុតរបស់សម្តេចតេជោក្នុងការកំចាត់ចោលនូវមនោគមវិជ្ជាជ្រុលនិយមរបស់ពូជជនក្បត់ជាតិ ៣ជំនាន់! ឯកឧត្តម ស្វាយ ស៊ីថា

ឯកឧត្តម ​ស្វាយ ស៊ីថា រដ្ឋមន្ត្រីអមនាយករដ្ឋមន្ត្រី នៅរសៀលថ្ងៃទី១៧ ខែតុលា​ ឆ្នាំ២០២២នេះ បានចេញសេចក្តីថ្លែងការណ៍សម្តែងនូវគាំទ្រយ៉ាងពេញទំហឹងចំពោះការប្រកាសដាក់ចេញនូវគោលការណ៍ដ៏ម៉ឺងមាត់និងដាច់ខាតបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាកាលពីព្រឹកថ្ងៃទី១៧​ ខែតុលា​ ឆ្នាំ២០២២ «ក្នុងការកំចាត់ចោលនូវមនោគមវិជ្ជាជ្រុលនិយមរបស់ពូជជនក្បត់ជាតិ ៣ជំនាន់ » ដែលជាមេក្រុមចលនាឧទ្ទាមក្រៅច្បាប់ និងបក្ខពួក។

សេចក្តីថ្លែងការណ៍បានបញ្ជាក់ថា​

«ទន្ទឹមនឹងនេះ ខ្ញុំក៏សូមប្រឆាំងដាច់ខាតនិងថ្កោលទោសយ៉ាងដាច់អហង្ការនូវរាល់សកម្មភាពទាំងឡាយណាដែលប៉ុនប៉ងផ្តួលរំលំរាជរដ្ឋាភិបាល ដែលមិនស្របតាមរដ្ឋធម្មនុញ្ញនៃព្រះរាជាណាចក្រកម្ពុជា ជាពិសេស ការផ្លាស់ប្តូរផ្តួលរំលំក្រៅប្រព័ន្ធប្រជាធិបតេយ្យ»។

ឯកឧត្តម​ ស្វាយ ស៊ីថា បានចាត់ទុក រាល់ទង្វើញុះញង់បង្កចលាចលសង្គមឥតឈប់ឈរតាមគ្រប់មធ្យោបាយនិងទម្រង់របស់ត្រកូលជនក្បត់ជាតិ ៣ជំនាន់ជាមេខ្លោង គឺពិតជាការប៉ុនប៉ងបំផ្លាញនូវសន្តិភាព ស្ថេរភាពសង្គម ការរីចម្រើនរបស់ប្រទេសជាតិនិងភាពសុខសាន្តរបស់ប្រជាជនកម្ពុជាទាំងមូល ដែលមិនអាចប្រកែកនិងអត់អោនអោយបានឡើយ។​ ជាមួយគ្នានេះ​ ឯកឧត្តមរដ្ឋមន្ត្រីអមនាយករដ្ឋមន្ត្រីរូបនេះ បានប្រកាសប្តេជ្ញាដាច់ខាតការពាររដ្ឋធម្មនុញ្ញ ការពាររាជរដ្ឋាភិបាលក្រោមការដឹកនាំដ៏ត្រឹមត្រូវនិងឈ្លាសវៃបំផុតរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងការពារឱ្យបានជាដាច់ខាតនូវសុខសន្តិភាពនេះ ទោះជានៅក្នុងតម្លៃណាក៏ដោយ។

អត្ថបទទាក់ទង