ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់ជាផ្លូវការ អគាររដ្ឋបាល និងសាលប្រជុំទីស្តីការក្រសួងការពាជាតិ ចំខួបលើកទី២៣ឆ្នាំ នៃនយោបាយឈ្នះ-ឈ្នះ
ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញសម្ពោធដាក់ឲ្យប្រើប្រាស់ជាផ្លូវការ អគាររដ្ឋបាល និងសាលប្រជុំទីស្តីការក្រសួងការពាជាតិ ចំខួបលើកទី២៣ឆ្នាំ នៃនយោបាយឈ្នះ-ឈ្នះ
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី នៅព្រឹកថ្ងៃទី២៩ ខែធ្នូ ឆ្នាំ២០២១នេះ ដែលចំខួបលើកទី២៣ឆ្នាំ នៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេច ( ២៩-ធ្នូ-១៩៩៨ – ២៩-ធ្នូ-២០២១)។
នៅក្នុងឱកាសសម្ពោធសម្តេចតេជោ ហ៊ុន សែន បានថ្លែងសុន្ទរកថារយៈពេលប្រមាណ១ម៉ោង៤០នាទី ខាងក្រោមជាខ្លឹមសារសំខាន់ៗរបស់សម្តេចតេជោ៖
- សម្តេចតេជោ ហ៊ុន សែន ថ្លែងថា យើងមានមោទនភាពជាមួយសមិទ្ធផលថ្មីរបស់ក្រសួងការពារជាតិ
- សម្តេចតេជោ ហ៊ុន សែន ថ្លែងអំណរគុណដល់ភាគីពាក់ព័ន្ធក្នុងការសាងសង់អគារថ្មីរបស់ក្រសួងការពារជាតិ ទាំងរដ្ឋ និងឯកជន ក៏ដូចជាចិន និងវៀតណាមផងដែរ
- សម្តេចតេជោ ហ៊ុន សែន មានមោទនភាពដែលកងទ័ពរបស់យើង បានធ្វើការងារជាច្រើននាពេលកន្លងទៅ
- សម្តេចតេជោ ហ៊ុន សែន បានថ្លែងថា ការចាក់វ៉ាក់សាំងជូនដល់ពលរដ្ឋ មួយផ្នែកធំត្រូវបានធ្វើឡើងដោយកងទ័ព
- សម្តេចតេជោ ហ៊ុន សែន យកឱកាសនេះផ្តាំផ្ញើការសួរសុខទុក្ខជូនដល់កងទ័ពទូទាំងប្រទេស និងកងទ័ពកម្ពុជាដែលកំពុងបំពេញបេសកកម្ម ក្រោមឆ័ត្រអង្គការសហប្រជាជាតិ
- សម្តេចតេជោ ហ៊ុន សែន ណែនាំឱ្យក្រសួងរ៉ែ និងថាមពល និងអគ្គិសនីកម្ពុជា ពិនិត្យលទ្ធភាពលុបបំណុលអគ្គិសនីជាង ២លានដុល្លាររបស់ក្រសួងការពារជាតិ
- សម្តេចតេជោ ហ៊ុន សែន បានថ្លែងថា កន្លងមកនៅរាជធានីភ្នំពេញ មានតម្រូវការអគ្គិសនី៣០មេហ្គាវ៉ាត់ ប៉ុន្តែពេលនេះមិនមែនត្រឹមប៉ុណ្ណឹងទៀតទេ
- សម្តេចតេជោ ហ៊ុន សែន បានស្នើឱ្យពិនិត្យដាក់ «ទិវានយោបាយឈ្នះឈ្នះ» ថ្ងៃទី២៩ ខែធ្នូ ទៅក្នុងប្រតិទិនប្រចាំឆ្នាំរបស់កម្ពុជា ប៉ុន្តែមិនមែនជាថ្ងៃឈប់សម្រាកទេ
- សម្តេចតេជោ ហ៊ុន សែន បានថ្លែងថា រឿងសន្តិភាព មិនមែនសម្រាប់តែគណបក្សប្រជាជនកម្ពុជាទេ គឺសម្រាប់ប្រជាជាតិទាំងមូល និងប្រជាជនទាំងអស់
- សម្តេចតេជោ ហ៊ុន សែន កំពុងរំលឹកអំពីប្រវត្តិសាស្រ្តកម្ពុជា ដែលហែកហួរដោយសង្គ្រាម និងអាណានិគមន៍
- សម្តេចតេជោ ហ៊ុន សែន បានរំលឹកថា ថ្ងៃនេះម៉ោងនេះ កាលពី២៣ឆ្នាំមុន សម្តេចកំពុងបញ្ជាឧទ្ធម្ភាគចក្រ២គ្រឿង ដឹកខៀវ សំផន មកចរចានៅផ្ទះរបស់សម្តេច
- សម្តេចតេជោ ហ៊ុន សែន បានថ្លែងថា ប្រវត្តិកងទ័ពរបស់កម្ពុជា មានកំណើតផ្សេងៗគ្នា
- សម្តេចតេជោ ហ៊ុន សែន បានថ្លែងថា ខ្ញុំមិនដណ្តើមស្នាដៃនរណាទេ ប៉ុន្តែសូមកុំមកដណ្តើមស្នាដៃរបស់ខ្ញុំចំពោះការបង្កើតកងទ័ព
- សម្តេចតេជោ ហ៊ុន សែន បានថ្លែងថា ឋានន្តរស័ក្ត នាយឧត្តមសេនីយ៍ផុតលេខ ផ្កាយមាស៥ មិនមែនទទួលបានដោយចៃដន្យនោះទេ គឺប្រទានដោយព្រះមហាក្សត្រ ដោយសម្តេចបានបង្កើតកងទ័ពដើម្បីរំដោះប្រជាពលរដ្ឋខ្មែរពីរបបខ្មែរក្រហម
- សម្តេចតេជោ ហ៊ុន សែន រំលឹកថា «សាមគ្គីសង្គ្រោះជាតិកម្ពុជា» គឺជាឈ្មោះរបស់សម្តេចដាក់ចេញ ពេលបង្កើតចលនាកងទ័ព
- សម្តេចតេជោ ហ៊ុន សែន ប្រកាសថា យើងមិនបិទបាំងសច្ចធម៌ប្រវត្តិសាស្រ្ត រឿងកងទ័ពវៀតណាម បានជួយកងទ័ពកម្ពុជា ក្នុងការរំដោះប្រជាជន ចេញពីរបបប៉ុលពតនោះទេ
- សម្តេចតេជោ ហ៊ុន សែន បានលើកឡើងជាថ្មីថា រឿងជួយសម្របសម្រួលមីយ៉ាន់ម៉ា សូមទុកឱ្យខ្ញុំធ្វើសិន
- សម្តេចតេជោ ហ៊ុន សែន បានថ្លែងថា បដិវត្តន៍ពណ៌នៅលើពិភពលោក មិនទាន់បញ្ចប់ទេ ហើយជំរុញកាន់តែខ្លាំងទៀតផង
- សម្តេចតេជោ ហ៊ុន សែន បញ្ជាក់ថា ដើម្បីឈ្នះបដិវត្តន៍ពណ៌ មានវិធីតែមួយគត់ គឺកាន់កងកម្លាំងប្រដាប់អាវុធឱ្យជាប់
- សម្តេចតេជោ ហ៊ុន សែន បានថ្លែងថា កម្លាំងប្រដាប់អាវុធ និងរដ្ឋបាលស៊ីវិល មិនអាចអព្យាក្រឹត្យរវាង រដ្ឋាភិបាល និងបក្សនយោបាយបានទេ
- សម្តេចតេជោ ហ៊ុន សែន បានថ្លែងថា កងកម្លាំងប្រដាប់អាវុធ ត្រូវអព្យាក្រឹត្យចំពោះបណ្តាបក្សនយោបាយទាំងអស់ គឺត្រូវការពារឱ្យទាំងអស់គ្នា
- សម្តេចតេជោ ហ៊ុន សែន រំលឹករឿងអគ្គរដ្ឋទូតមហាអំណាចមួយ កាលពីឆ្នាំ២០១៣ ដែលបានមកបញ្ចុះបញ្ចូលកូនរបស់សម្តេចដោយប្រាប់ថា បើបាតុករចូលវិមានសន្តិភាព កុំឱ្យបាញ់
- សម្តេចតេជោ ហ៊ុន សែន ប្រាប់ឱ្យអគ្គរដ្ឋទូតនោះ មើលរដ្ឋធម្មនុញ្ញកម្ពុជាឱ្យបានច្បាស់
- សម្តេចតេជោ ហ៊ុន សែន ប្រកាសថា នរណាក៏ដោយដែលធ្វើឱ្យប៉ះពាល់រដ្ឋធម្មនុញ្ញ កងកម្លាំងប្រដាប់អាវុធ ត្រូវតែកម្ទេចចោល
- សម្តេចតេជោ ហ៊ុន សែន បានប្រកាសថា ចំណុចស្នូលនៃមេបដិវត្តន៍ពណ៌ គឺធ្វើឱ្យអព្យាក្រឹត្យកម្លាំងប្រដាប់អាវុធ និងរដ្ឋបាលស៊ីវិល នៅពេលពួកគេធ្វើចលនាបាតុកម្ម
- សម្តេចតេជោ ហ៊ុន សែន បានថ្លែងថា នៅក្នុងអំណាចរបស់ខ្ញុំ មេទ័ព ឬមេទាហានណាមិនធ្វើសកម្មភាពទប់ស្កាត់ចលនាបដិវត្តន៍ ត្រូវតែដកចេញពីតំណែង
- សម្តេចតេជោ ហ៊ុន សែន បានថ្លែងថា ការធ្វើបាតុកម្មទ្រង់ទ្រាយធំទាំងយប់ទាំងថ្ងៃ ទាមទារឱ្យសម្តេចចុះចេញពីតំណែង ក្រោយពេលជាប់ឆ្នោតមានន័យថា ជាបដិវត្តន៍ពណ៌
- សម្តេចតេជោ ហ៊ុន សែន រំលឹកអំពីច្បាប់ស្តីពីការរៀបចំ និងការប្រព្រឹត្តិទៅនៃឧត្តមក្រុមប្រឹក្សាការពារជាតិ ដោយមានតួនាទីភារកិច្ច ការពាររដ្ឋធម្មនុញ្ញ និងមេដឹកនាំដែលកើតចេញពីការបោះឆ្នោត។
- សម្តេចតេជោ ហ៊ុន សែន បានថ្លែងថា ថ្ងៃនេះពាក់ស័ក្តិទាហានមក ត្រូវនិយាយឱ្យខ្លាំងហើយ មេទាហានត្រូវនិយាយឱ្យខ្លាំង បើហៅថាមេទាហាន បើស្លូត ទៅវត្តទៅ
- សម្តេចតេជោ ហ៊ុន សែន ប្រាប់អនុព័ន្ធយោធាទាំងអស់ថា យើងមិនបណ្តែតបណ្តោយឱ្យនរណាធ្វើបដិវត្តន៍ពណ៌ នៅលើដែនដីដ៏កំសត់របស់យើងនោះទេ
- សម្តេចតេជោ ហ៊ុន សែន បានថ្លែងថា ប្រទេសកម្ពុជាដែលមានបញ្ហាដល់សព្វថ្ងៃ ដោយសារតែរដ្ឋប្រហារឆ្នាំ១៩៧០
- សម្តេចតេជោ ហ៊ុន សែន និយាយថា រឿងក្រុមប្រឆាំង ក៏មិនខុសពីរឿងធញ្ជ័យ ដែលយកកូនក្របីទៅជល់ជាមួយនឹងក្របីកញ្ចាស់
- សម្តេចតេជោ ហ៊ុន សែន បានថ្លែងថា អបអរសាទររឿងឲ្យយុវជនចេញមក ឬក៏អ្នកឯងគ្មានយុវជនបន្តវេន!
- សម្តេចតេជោ ហ៊ុន សែន ថ្លែងថា ដរាបណាខ្ញុំមិនទាន់ដកចេញពីនាយករដ្ឋមន្រ្តីទេ ខ្ញុំនៅតែមានសិទ្ធិបញ្ជាកងទ័ព
- សម្តេចតេជោ ហ៊ុន សែន ហៅលោក សម រង្ស៉ី ឱ្យមកសាកល្បងចាប់សម្តេច ដូចអ្វីដែលមេឧទ្ទាមនេះអួតក្តែងៗកន្លងមក
- សម្តេចតេជោ ហ៊ុន សែន ប្រដៅអ្នកវិភាគមួយចំនួនថា បើអ្នកឯងវិភាគចាកឆ្ងាយពីរដ្ឋធម្មនុញ្ញ គេមិនហៅបណ្ឌិតទេ
- សម្តេចតេជោ ហ៊ុន សែន ដៀលលោក សម រង្ស៉ីថា ជាមនុស្សឡប់រហូតមក
- សម្តេចតេជោ ហ៊ុន សែន ប្រកាសឱ្យហើយថា មុនសម្តេចចុះចេញពីតំណែង សម្តេចនឹងធ្វើតាមសំណូមពរដោយធ្វើច្បាប់កំណត់អាយុនាយករដ្ឋមន្រ្តី
- សម្តេចតេជោ ហ៊ុន សែន បានថ្លែងថា ពេលនេះសម្តេចជានាយករដ្ឋមន្រ្តី ហើយនៅក្រោយឆ្នាំ២០២៣ សម្តេចនឹងក្លាយទៅជាឪនាយករដ្ឋមន្រ្តី ហើយថ្ងៃខាងមុខ ក៏អាចក្លាយទៅជាជីតានាយករដ្ឋមន្រ្តី។
- សម្តេចតេជោ ហ៊ុន សែន ប្រកាសប្រាប់កុំឱ្យប្រជាពលរដ្ឋមានការព្រួយបារម្ភ ទោះបីជាសម្តេចមិនធ្វើនាយករដ្ឋមន្រ្តី ក៏សម្តេចនៅតែជាប្រធានគណបក្សកាន់អំណាចដដែល
- សម្តេចតេជោ ហ៊ុន សែន ប្រកាសថា ការប្រមាថព្រះមហាក្សត្រ មិនអាចអត់ឱនបានទេ ការចង់ផ្តួលរាជរដ្ឋាភិបាល និងរាជបល្ល័ង្គ មិនអាចអត់ឱនឱ្យបានទេ
- សម្តេចតេជោ ហ៊ុន សែន ចង់ឱ្យមេឧទ្ទាមរត់ដេញតាមដោយរត់ទី១ រត់តាមសម្តេច និងរត់ទី២ គឺរត់តាម លោក ហ៊ុន ម៉ាណែត
- សម្តេចតេជោ ហ៊ុន សែន បានថ្លែងថា កន្លងមកកងទ័ពបានធ្វើការកែទម្រង់ច្រើនហើយ ប៉ុន្តែយើងត្រូវបន្តកែទម្រង់ថែមទៀត ដើម្បីពង្រឹងសមត្ថភាពកងទ័ព និងខឿនការពារជាតិរបស់យើងឱ្យកាន់តែខ្លាំង
- សម្តេចតេជោ ហ៊ុន សែន បានថ្លែងថា យើងមិនដែលបានបញ្ជូនកងទ័ព ទៅឈ្លានពានប្រទេសណាមួយ ដូចប្រទេសមួយចំនួនទេ
- សម្តេចតេជោ ហ៊ុន សែន ជំរុញឱ្យមានការហ្វឹកហ្វឺនកងទ័ពជាប្រចាំ ខណៈដែលមេទាហានប្រមាណ៥០ភាគរយ ដុះក្បាលពោះ
- សម្តេចតេជោ ហ៊ុន សែន ថ្លែងថា លោក ហ៊ុន ម៉ាណែត មិនព្រមលាបថ្នាំសក់បណ្តាលឱ្យមើលឃើញសភាពចាស់
- សម្តេចតេជោ ហ៊ុន សែន៖ ឪពុកវាសង្ហាដែរ ទើបកូនសង្ហា បើខ្ញុំមិនសង្ហាម្តេចប្រពន្ធខ្ញុំយក
- សម្តេចតេជោ ហ៊ុន សែន ថ្លែងថា ប្រពន្ធរបស់សម្តេចស្រលាញ់សម្តេចមិនមែនដោយសារនាយករដ្ឋមន្រ្តីនោះទេ ព្រោះពេលនោះមិនមែនជានាយករដ្ឋមន្រ្តី ហើយពិការថែមទៀត
- សម្តេចតេជោ ហ៊ុន សែន ថ្លែងថា ទេវតាបានឱ្យសម្តេច និងសម្តេចទៀ បាញ់ នៅជាមួយគ្នា នៅពេលមានគ្រោះថ្នាក់បំផុតមានសម្តេចពិជ័យនៅជាមួយ។ សម្តេចតេជោ ហ៊ុន សែន ថ្លែងថា សម្តេចកាន់អំណាចជានាយករដ្ឋមន្រ្តី៤៣ឆ្នាំ ចំណែកសម្តេច ទៀ បាញ់ កាន់រដ្ឋមន្រ្តីការពារជាតិ៣០ឆ្នាំដែរ។
- សម្តេចតេជោ ហ៊ុន សែន បានបញ្ចប់សុន្ទរកថា នៅវេលាម៉ោង១០៖០០នាទី ព្រឹក៕ Fresh News
