ខ្មែរប៉ុស្ដិ៍ Close

សម្តេចតេជោ ហ៊ុន សែន៖ ខ្ញុំមិនដែលមានជំនឿក្នុងការយកសង្រ្គាមដើម្បីបញ្ចប់សង្រ្គាមនោះឡើយ

ដោយ៖ សន ប្រាថ្នា ​​ | ថ្ងៃពុធ ទី២៩ ខែធ្នូ ឆ្នាំ២០២១ ព័ត៌មានទូទៅ 1100
សម្តេចតេជោ ហ៊ុន សែន៖ ខ្ញុំមិនដែលមានជំនឿក្នុងការយកសង្រ្គាមដើម្បីបញ្ចប់សង្រ្គាមនោះឡើយសម្តេចតេជោ ហ៊ុន សែន៖ ខ្ញុំមិនដែលមានជំនឿក្នុងការយកសង្រ្គាមដើម្បីបញ្ចប់សង្រ្គាមនោះឡើយ

សម្តេចតេជោ ហ៊ុន សែន បានថ្លែងថា សម្តេចមិនដែលមានជំនឿលើការយកសង្រ្គាមដើម្បីទៅបញ្ចប់សង្រ្គាមនោះឡើយ គឺមានតែការចរចាដើម្បីស្វែងរកសុខសន្តិភាព ទើបអាចបញ្ចប់សង្រ្គាមទៅបាន។ សម្តេចបានថ្លែងដូចនេះនៅព្រឹកថ្ងៃទី២៩ ខែធ្នូ ឆ្នាំ២០២១ ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី ដែលចំខួបលើកទី២៣ឆ្នាំ នៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេចតេជោ ( ២៩-ធ្នូ-១៩៩៨ – ២៩-ធ្នូ-២០២១)។

សម្តេចតេជោ ហ៊ុន សែន បានគូសបញ្ជាក់ថា តាមរយៈការចរចានោះហើយដែលសម្តេច បានសម្រេចចេញជាកិច្ចព្រមព្រៀងសន្តិភាពទីក្រុងប៉ារីសនៅថ្ងៃទី២៣ ខែតុលា ឆ្នាំ១៩៩១ទៅបាន។

សម្តេចតេជោ ហ៊ុន សែន ក៏បានគូសបញ្ជាក់ថា ទោះបីកិច្ចព្រមព្រៀងសន្តិភាពទីក្រុងប៉ារីស មិនអាចបញ្ចប់សង្រ្គាមទាំងស្រុងបានមែន ក៏យ៉ាងហោចណាស់ក៏បានបង្រួមភាគីជម្លោះប្រដាប់អាវុធពី៤ភាគី មកនៅត្រឹម២ភាគី ដែលធ្វើឱ្យមានសន្តិភាពកើតឡើងនៅភាគច្រើននៃពេលវេលានិងដែនដី ហើយសង្រ្គាមកើតឡើងដាច់ដោយដុំ និងពេលវេលាខ្លះ៕

អត្ថបទទាក់ទង