តោះៗ! មកទស្សនាទិដ្ឋភាពអគារដ៏ខ្ពស់ជាងគេលើលោកនៅឌូបៃ (មានវីដេអូ)

ដោយ៖ សន ប្រាថ្នា | ថ្ងៃព្រហស្បតិ៍ ទី៣ ខែឧសភា ឆ្នាំ២០១៨ ព័ត៌មានទូទៅ 3655

សហព័ន្ធអារ៉ាប់រួម៖ ទីក្រុងឌូបៃបានក្លាយជាកន្លែងកម្សាន្តខ្នាតអន្តរជាតិមួយសម្រាប់មនុស្សទូទាំងពិភពលោក ប៉ុន្តែគ្មាននរណាម្នាក់អាចបង្កើតកន្លែងកម្សាន្តដ៏ធំបំផុតដូចជាអគារ Burj Khalifa បានទេ។

អគារ Burj Khalifa ដែលជាអគារដែលខ្ពស់ជាងគេលើពិភពលោកនេះ មានទីតាំងស្ថិតនៅក្នុងទីក្រុងឌូបៃ ដែលជាកន្លែងកម្សាន្តដ៏ល្បីល្បាញមានភ្ញៀវទេសចររាប់លាននាក់មកលេងជារៀងរាល់ឆ្នាំ។ វាត្រូវបានដាក់ឲ្យដំណើរការតាំងពីឆ្នាំ ២០១០ ដោយបានចំណាយពេលសាងសង់ជាង ៦ឆ្នាំ និងកម្មកររហូតដល់ទៅ ១២ ០០០នាក់ឯណោះ។

ទិដ្ឋភាពអគារ Burj Khalifa

អគារកម្ពស់ ៨២៨ ម៉ែត្រ និងមាន ២០០ជាន់នេះ ជានិមិត្តសញ្ញានៃទីក្រុងឌូបៃដែលត្រូវបានគេស្គាល់យ៉ាងទូលំទូលាយ ថាជាកន្លែងដែលសប្បាយរីករាយ និងគួរឲ្យចាប់អារម្មណ៍សម្រាប់អ្នកទេសចរគ្រប់មជ្ឈដ្ឋាន។

មិនត្រឹមតែជាអគារដែលខ្ពស់ជាងគេនៅលោកប៉ុណ្ណោះទេ អគារ Burj Khalifa ថែមទាំងទទួលបានកំណត់ត្រាជាច្រើនដូចជា៖
– អគារដែលមានរចនាសម្ព័ន្ធសាងសង់ខ្ពស់ជាងគេបំផុតលើពិភពលោក
– អគារដែលមានច្រើនជាន់ជាងគេបំផុតលើពិភពលោក
– អគារដែលអាចមើលទេសភាពបានខ្ពស់បំផុតលើពិភពលោក
– អគារដែលមានជណ្តើរយន្តដែលខ្ពស់ជាងគេលើពិភពលោក
– អគារដែលមានអាងទឹកខ្ពស់ជាងគេបំផុតលើពិភពលោក នៅជាន់ទី ៧៦។

កុំឲ្យប្រិយមិត្តរង់ចាំយូរទៀត តោះអីចឹងមកមើលទិដ្ឋភាពអគារខ្លះៗទាំងអស់គ្នាដូចខាងក្រោម៖

ទិដ្ឋភាពអគារ Burj Khalifaនៅពេលយប់