ខ្មែរប៉ុស្ដិ៍ Close

    មកមើលចម្លាក់ដ៏អស្ចារ្យរបស់ប្រាសាទបន្ទាយស្រី

    ដោយ៖ លី វិទ្យា ​​ | ថ្ងៃអង្គារ ទី១១ ខែឧសភា ឆ្នាំ២០២១ ផ្ទះហ្វេសប៊ុក 5429

    នៅពេលគេនិយាយពីប្រាសាទបន្ទាយស្រី នោះគេនឹងនឹកឃើញនូវក្បូរក្បាច់ចម្លាក់ដ៏អស្ចារ្យ ដែលផុសពីផ្ទាំងថ្មភក់ពណ៌ផ្កាឈូកកម្រមាន ដែលទស្សនីយភាពនេះបានដិតជាប់ក្នុងក្រអៅបេះដូងភ្ញៀវទេសចរគ្រប់ៗរូប។ ដ្បិតថា មានចម្ងាយឆ្ងាយពីទីរួមខេត្តប្រមាណ៣០គីឡូម៉ែត្រក៏ពិតមែន តែភ្ញៀវទេសចរដែលបានមកកម្សាន្តខេត្តសៀមរាប កម្រចោលការទស្សនានៅប្រាសាទបន្ទាយស្រីនេះណាស់។

    ប្រាសាទបន្ទាយស្រីកសាងឡើងនៅឆ្នាំ ៩៦៧ នៃគ.ស ក្នុងរាជ្យព្រះបាទរាជេន្រ្ទវរ្ម័នទី២ គឺមុនប្រាសាទអង្គរវត្ត និងប្រាសាទអង្គរធំ (បាយ័ន្ត) ទៅទៀត។ ប្រាសាទនេះកសាងឡើងដោយព្រហ្មណ៍ម្នាក់ឈ្មោះ យជ្ញវរាហ ដែលជាព្រះគ្រូរបស់ព្រះបាទជ័យវរ្ម័នទី៥ ដើម្បីឧទ្ទិសថ្វាយដល់ព្រហ្មញ្ញសាសនា។ ឈ្មោះដើមនៃប្រាសាទនេះ គឺឥសូរបុរ ដែលមានន័យថា បុរីនៃឥសូរ លុះក្រោយមកក៏ហៅថាបន្ទាយស្រីវិញ៕