រដ្ឋមន្ត្រីពាណិជ្ជកម្ម ចុះពិនិត្យឃ្លាំងស្តុកស្បៀងបម្រុងរបស់រាជរដ្ឋាភិបាល សម្រាប់ផ្គត់ផ្គង់ប្រជាពលរដ្ឋ

ដោយ៖ លី វិទ្យា | ថ្ងៃសុក្រ ទី៣០ ខែមេសា ឆ្នាំ២០២១ ព័ត៌មានទូទៅ 41

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអញ្ជើញចុះពិនិត្យឃ្លាំងរបស់ក្រុមហ៊ុនហ្គ្រីនត្រេដ ដែលជាទីតាំងស្តុកស្បៀងបម្រុងរបស់រាជរដ្ឋាភិបាល សម្រាប់ផ្គត់ផ្គង់ជូនប្រជាពលរដ្ឋជាពិសេសក្នុងតំបន់បិទខ្ទប់ (តំបន់ក្រហម) ភូមិសាស្រ្ត រាជធានីភ្នំពេញ និងក្រុងតាខ្មៅនៃខេត្តកណ្ដាល ដើម្បីធានាដល់ការផ្គត់ផ្គង់ស្បៀង និជួយទប់ស្កាត់ការឆ្លងរាលដាលនៃជំងឺកូវីដ-១៩។

ក្នុងឱកាសចុះពិនិត្យឃ្លាំងនីថ្ងៃទី២៩ ខែមេសា លោករដ្ឋមន្ត្រី បានកោតសរសើរ ចំពោះកិច្ចខិតខំប្រឹងប្រែ សហការគ្នាល្អ របស់មន្រ្តីក្រុមហ៊ុនហ្គ្រីនត្រេដ និង មន្រ្ដីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) ដែលបានលះបង់ទាំងកម្លាំងកាយចិត្តបំពេញតួនាទី និងភារកិច្ចរបស់ខ្លួនបានយ៉ាងល្អ ក្នុងការផ្គត់ផ្គង់ស្បៀងជូនប្រជាពលរដ្ឋ ដោយធានាបានទាំងគុណភាព និងបរិមាណនៃការផ្គត់ផ្គង់។

ជាមួយគ្នានេះ លោករដ្ឋមន្ត្រី បានលើកទឹកចិត្តដល់មន្រ្តីរបស់ក្រុមហ៊ុនហ្គ្រីនត្រេដ និងអគ្គនាយកដ្ឋាន ក.ប.ប. ឱ្យបន្តប្រឹងប្រែងបំពេញតួនាទី ភារកិច្ចរបស់ខ្លួន និងបន្តអនុវត្តនូវជំនាញបច្ចេកទេសដែលខ្លួនមាន ក្នុងការថែរក្សាស្តុកស្បៀង និងត្រួតពិនិត្យគុណភាពទំនិញ ដើម្បីធានាបាននូវស្ដង់ដាអនាម័យ គុណភាព និងសុខុមាលភាពជូនប្រជាពលរដ្ឋ។

លោករដ្ឋមន្ត្រីបានបញ្ជាក់ទៀតថា គ្រប់ផលិតផលស្បៀងរបស់ក្រសួងពាណិជ្ជកម្ម ដែលបានផ្គត់ផ្គង់ជូនប្រជាពលរដ្ឋកន្លងមក សុទ្ធតែត្រូវបានតាមដានត្រួតពិនិត្យ គុណភាព យ៉ាងយកចិត្តទុកដាក់ដោយអគ្គនាយកដ្ឋាន ក.ប.ប. ដែលជាស្ថាប័នជំនាញ ព្រមទាំងការតាមដានសន្ទស្សន៍ថ្លៃទំនិញជាប្រចាំផងដែរ។

សូមជម្រាបជូនថា ការផ្គត់ផ្គង់ស្បៀង និងគ្រឿងឧបភោគបរិភោគចាំបាច់ជូនប្រជាពលរដ្ឋនៅក្នុងតំបន់ក្រហម ក្រសួងពាណិជ្ជកម្ម បានបញ្ចេញស្បៀងឱ្យចរាចរក្នុងទីផ្សារ តាមរយៈទីផ្សារអនឡាញ (shop.moc.gov.kh) និងរថយន្តចល័តរបស់ក្រុមហ៊ុន ហ្គ្រីនត្រេដ និងរថយន្តក្រសួងចំនួន៨គ្រឿង ព្រមទាំងបើកស្ដង់លក់ទំនិញចំនួន ១១ទីតាំង ដែលមាន២៥ស្តង់ ដើម្បីទ្រទ្រង់ស្ថិរភាពថ្លៃទំនិញដែលជាស្បៀងមូលដ្ឋាន ក្នុងនោះរួមមាន៖ អង្ករ មី ត្រីខកំប៉ុង ទឹកត្រី ទឹកស៊ីអ៊ីវ ទឹកសុទ្ធ ឆៃប៉ូវ និងស្បៀងមូលដ្ឋានមួយចំនួនទៀត។ លើសពីនេះក្រសួងពាណិជ្ជកម្មបានរៀបចំក្រុមការងារចាំទទួលការហៅចូល ដើម្បីសម្របសម្រួលការបញ្ជាទិញ និងទទួលសំណូមពរផ្សេងៗរបស់ប្រជាពលរដ្ឋរស់នៅក្នុងតំបន់ក្រហម តាមរយៈលេខទូរសព្ទ ដូចខាងក្រោម៖