ប្រព័ន្ធ QR Code Stop Covid19 ត្រូវបានផ្សព្វផ្សាយ និងណែនាំឱ្យប្រើប្រាស់នៅទីតាំងក្នុងក្រុងសៀមរាប ដែលមានសាធារណៈជនចេញចូលច្រើន
ប្រព័ន្ធ QR Code Stop Covid19 ត្រូវបានផ្សព្វផ្សាយ និងណែនាំឱ្យប្រើប្រាស់នៅទីតាំងក្នុងក្រុងសៀមរាប ដែលមានសាធារណៈជនចេញចូលច្រើន
ប្រព័ន្ធ QR Code Stop Covid19 ត្រូវបានផ្សព្វផ្សាយ និងណែនាំឱ្យប្រើប្រាស់នៅទីតាំងក្នុងក្រុងសៀមរាប ដែលមានសាធារណៈជនចេញចូលច្រើន
អនុវត្តតាមការណែនាំពី លោក ទៀ សីហា អភិបាលនៃគណៈអភិបាលខេត្ដ និងជាប្រធានគណៈបញ្ជាការឯកភាពរដ្ឋបាលខេត្តសៀមរាប ក៏ដូចជាក្រសួងសុខាភិបាល ចាប់ពីថ្ងៃទី២៤ ខែកុម្ភៈ ឆ្នាំ២០២១ រហូតមកដល់ពេលនេះ ក្រុមការងាររបស់មន្ទីរប្រៃសណីយ៍ និងទូរគមនាគមន៍ខេត្តសៀមរាប បានសហការជាមួយមន្ទីរ អង្គភាពនានាក្នុងខេត្តព្រមទាំងសហភាពសហព័ន្ឋយុវជនកម្ពុជាខេត្ត និងក្រុមយុវជនស្ម័គ្រចិត្ត តោះទៅលេងសៀមរាប បានចុះផ្សព្វផ្សាយអំពីរបៀបបង្កើត និងការប្រើប្រាស់ប្រព័ន្ធ QR Code Stop Covid19 នៅតាមសាលារៀន ស្ថាប័ន និងគ្រឹះស្ថានសាធារណៈទីតាំងលក់ដូរ ហាងធំៗ និងនៅតាមសួនសាធារណៈក្នុងក្រុងសៀមរាប និងតាមបណ្តាទីប្រជុំជនក្រុង ស្រុកទាំង១២ក្នុងខេត្ត។
នាឱកាសនោះ លោក សុខ សីហា ប្រធានមន្ទីរប្រៃណីយ និងទូរគមនាគមន៍ខេត្ត បានថ្លែងថា រដ្ឋបាលខេត្តសៀមរាបបានចូលរួមយ៉ាងសកម្មក្នុងការជំរុញផ្សព្វផ្សាយដល់គ្រប់ស្ថាប័នរដ្ឋ និងឯកជនទាំងអស់ក្នុងខេត្តឱ្យប្រើប្រាស់ប្រព័ន្ធ QR Code Stop Covid-19 បន្ថែមលើវិធានការនានាដែលមានស្រាប់ ដើម្បីចូលរួមជាមួយគណៈកម្មការប្រយុទ្ធប្រឆាំងនឹង Covid-19 ទប់ស្កាត់និងគ្រប់គ្រងទិន្នន័យអ្នកឆ្លង Covid-19 ដោយបានចុះផ្សព្វផ្សាយការបង្កើត និងការប្រើប្រាស់ប្រព័ន្ធបច្ចេកវិទ្យា QR Code Stop Covit19 ដល់បណ្តាមន្ទីរអង្គភាព-គ្រឹះស្ថានសាធារណ៖
- សាលារៀន
- ភោជនីយដ្ឋាន
- ផ្សារទំនើប
- ហាងអាជីវកម្មផ្សេងក្នុងក្រុងសៀមរាប
រហូតមកទល់ពេលនេះទីកន្លែងដែលកំពុងប្រើប្រាស់ QR code មាន៖
- សាលាខេត្ត
- មជ្ឈមណ្ឌលរដ្ឋបាលមន្ទីរខេត្ត
- ក្រុងស្រុកទាំង១២
- អធិការនគរបាលស្រុក
- ឃុំ,សង្កាត់
- គ្រឹះស្ថាន
- ផ្សារ
- និងទីតាំងសាធារណៈជាច្រើនទៀត
លោកបានបន្ដថាក្រុមការងារក៏បានណែនាំឱ្យបណ្តាអង្គភាព មន្ទីរ គ្រឹះស្ថានសិក្សាទាំងរដ្ឋ និងឯកជន ម្ចាស់ភោជនីយដ្ឋាន និងម្ចាស់ផ្សារនានា ឬអ្នកគ្រប់គ្រងនៅតំបន់ដែលមានឃ្យូអរកូដ ឱ្យជួយផ្សព្វផ្សាយបន្តទៅមន្ត្រីឬបុគ្គលិក អតិថិជនរបស់ខ្លួន ឱ្យស្គែន QR-Code នៅពេលពួកគាត់ចូលក្នុងទីកន្លែង ផ្សារ និងនៅតាមទីសាធារណៈដែលបានបិទ QR-Code នេះ ដើម្បីងាយស្រួលតាមដាន គ្រប់គ្រងនិងប្រមូលទិន្នន័យសម្រាប់ឆ្លយតបទៅនឹងការឆ្លងកូវីដ-១៩ចូលក្នុងសហគមន៍ជាយថាហេតុ។
ជាមួយគ្នានេះ លោកក៏បានអំពាវនាវដល់ប្រជាពលរដ្ឋ និងយុវជនទាំងអស់នៅក្នុងខេត្ដសៀមរាប ត្រូវចូលរួមទប់ស្កាត់ការពារការរីករាលដាលនៃជំងឺកូវីដ-១៩ តាមរយៈស្គែនឃ្យូអរកូដនេះ នៅតាមកន្លែងដែលពួកគាត់បានបំពេញការងារ ឬនៅកន្លែងណាដែលពួកគាត់ចូលទៅដល់តំបន់ណាមួយ។ ករណីអ្នកមិនមានទូរស័ព្ទ ឬមិនចេះប្រើកម្មវិធី សូមអ្នកគ្រប់គ្រងទីកន្លែងកត់ឈ្មោះនិងកត់លេខទូរស័ព្ទគាត់ទុកងាយស្រួលក្នុងការប្រមូលទិន្នន័យ ហើយរាល់ការប្រើប្រព័ន្ឋនេះ មិនមែនជាការតាមដានលើឯកជនភាពបុគ្គលឡើយ គឺសម្រាប់តាមដានតែស្ថានភាពជំងឺកូវីដ-១៩តែប៉ុណ្ណោះ៕
